أين تذهب هذا الأربعاء؟ -

بعد اتفاق سيذكره التاريخ تم الاتفاق بين ورقة و قلم و أتيليه القاهرة على إقامة ندوة أدبية كل أربعاء
أنا متفائل جدا ً بالتعاون ده بجد مش عشان أنا من ورقة و قلم لكن لأني أولا ً شاعر أو مهتم بالوسط و عارف يعني إيه أتيليه القاهرة و ثانيا ً لأني عارف نظام الندوات و إيه اللي هيتعمل
الفكرة هي تأكيد و تدعيم لهدف مهم جدا ً عندنا و بنحاول ندشن ليه دايما ً ألا و هو دعم التواصل بين أطراف ثقافة الأدبية

أنا كالعادة بأكتب من غير ترتيب مسبق للكلام اعذروني لو سقطت حاجة

المهم

أنا أتوقع تحول الموضوع لشئ متعارف عليه زي مانا كاتب في عنوان البوست إنت عارف إن يوم الأربع دايما ً فيه حاجة في الأتيليه

مش كده و بس

إنت هتبقى عارف الأسبوع الأول مثلا ديما هيكون فيه ندوة اسمها ( دويتو ) دي عرض لاتنين مرة يبقوا شاعرين مرة شاعر و قاص مرة مسرحي و روائي و هكذا

أنا عايز أرغي كتييييييييييييييييييييييييييير جدا ً لأني بجد مشبع بالفكرة و عندي طاقة مهولة للكلام لكن مضطر أكبتها حضرتك لما هتيجي هتعرف كل حاجة

و لا أقولك و ده عشان إنت حبيبي بس هأقولك

هيكون نظام الندوات كالتالي

الأسبوع الأول من كل شهر ندوة بعنوان "دويتو" لعرض أديبين و الثاني بعنوان "تجربة" لعرض تجربة أدبية و الثالث "قراءة و كتابة" لمناقشة عمل أدبي تحت الطبع و الرابع "مد وجذر" لمناقشة قضية أدبية كل أسبوع

بقيت التفاصيل بقى هتعرفها لما تيجي

يوم الأربع الجاي 2 مايو الساعه 7 في أتيليه القاهرة شرفنا في أول ندوة

الندوة زي ما قلت اسمها (دويتو

و دي زي ما قلت برضو هتكون ندوة الأربعاء الأول من كل أسبوع

ندوة الأربع الجاي هتكون للأديبين

محمد صلاح العزب و وليد خيري

منتظركم كلــــــــــــــــــــــــــــــــــــكم

يلا

أشوفكم هناك

يا تاجاتك

و صلني من فترة تاج من شلال العطر ( ربنا يسامحها بقى ) و حاولت

أرخم فقلتلها يعني تاج و إنجليزي كمان فما كان من البنت إلا إنها

رخمت

عليا و ترجمته إنجليزي و لكن و لأني لا أهزم نقلت الإنجليزي و

رخامة

برخامة بقى

يلا

نفتح الكشك ...

أما نشوف

section 1

1-last beverage?

شاي سكر بره كالعادة

2- last phone call ?

هبه رفعت من جامعة ابدأ بتقولي إنها عايزة تدير الإجتماع

3-last instant messag ?

هيثم طه صديقي العزيز باعتي نكتة انهارده (أصله مستلمني اليومين دول و كل يوم يبعتلي نكتة ) و كانت قديمة كالعادة

4- last cd played ?

كاظم الجديد

5-last time u cried ?

عيطت عيطت مش فاكر لأن ده من فترة لكن أنا بأدمع على طول و لأبسط الأسباب

section 2

1- date some one twice ?

أكيد يا بنتي طبعا

2- been cheated on?

اللي فهمته إن حد نفضلي مش هأقولك لأ طبعا الأغبية اللي يعملوا كده موجودين

3- kissed some one retted it ?

هو لو المعنى اللي في دماغي يبقى يا بنتي أنا مش جاي من المحراب على هنا

4- lost some one special ?

كتيييييييييييييييير

5- been depressed ?

ههههههههههههههه

المفروض يكون السؤال هو إنت ماكتأبتش قبل كده يا بنتي إحنا صحاب من زمان

section 3


list 3 favourit coulors?

الأسود و الأبيض و الأزرق

The last section :

this month hv u


1- made a new friend ?

آخر حد كان لسه إمبارح

2- Fallen out of love ?

طبعا

3-laughed untill u cried?

أكيد

4-met some one who changed ur life?

أكيد طبعا

5-found out who ur true friends were?

أنا مؤمن إن كل يوم بتعرفي الناس أكتر حتى لو كانوا أقرب أصدقائك بس ده ما يمنعش كوني عارف مين القريب حقيقي

و مين اللي بيمثل ده

6- is there some thing u want to tell some one?

أحب أقولي إن بكرة أكيد هيكون أحلى و لو مش أحلى فبالتأكيد مش أوحش لأن مفيش أوحش من كده

7-u kiss any one on ur top friends ?

آه طبعا

8- how many ppl in ur top friends do u know in ur real life?

ولا واحد مع احترامي لكل صحابي و العيب فيا أنا

9- how many kids do u want to hv?

اتنين رغم إنها مش هتفرق معايا

10-do u wanna change ur name?

لأ طبعا لكن زمان كنت ساعات بأفكر في كده

11-wt did u do 4 ur last birth day?

هو في العادي أنا مش بأحتفل بيه خصوصا إنه غالبا بييجي وسط الإمتحانات لكن عيد ميلادي اللي فات حد عزيز عليا

جدا عملي مفاجأة وعمل حاجة ع الضيق كده في كافيتريا دار الضيافة

12-wt time u wake up to day?

الساعة 10

13- wt were u doing at last mid night?

كنت بأشيت مع سالف الذكر آخر حد إتعرفت عليه

14- name some thing u cant wait 4 ?

إني أسمع شعر لحد جامد و ممكن أروح لعنده و أطلب منه إني أسمعه حتى لو كنت أقوى منه الشعر متعة مهولة عندي

15- Last time u saw ur father ?

في أواخر شهر ستة اللي فات

16-wt is one thing wish u change about ur life ?

بأحاول أتعلم إني لما أحب حد ما أحبوش قوي

17- wt r u listening now?

البلاي ليست بتاعتي و دلوقتي اللي شغال تامر عاشور

18- hv u ever talk to some one behind their back?

لأ و لو حصل بيبقى مش قصدي فوق طبعا إنه مش بشر أنا بأحتقر الحكاية دي

19- wts the last piece of cloth u borrowed 4om some one ?

ههههههههههههههههههههه

بدلة

20-who getting in ur mind right now ?

حد هأكلمه ع النت كمان شوية لو ليه نصيب

21-most visited web page ?

غير بلوجي و الجروب بتاعي ( عامل جروب ليا أنا بس فيه كل لينكاتي المهمة ) فيه موقع أدب و المنتدى بتاعنا

ديار ) و موقع أبيات و البلوجات اللي مسجلها عندي

22- Hv u been kissed 4rom any one last weak ?

لو برضو زي مانا فاهم يبقى الأسبوع اللي فات لأ

أخيرا

هأمرره لكل ٍ من

دعاء عبده

سلمى متغيرة شوية

غادة الكاميليا

نهى جمال

شبه

للطيور أن تشبه الأزرق

و للسحالي أن تشبه الرمل

و للنجوم الظلمة

و للفئران الهروب

و للأرض الحزن

لماذا لم أ ُشبهني حتى الآن !!؟؟

حاجات مفرحاني

أول حاجة مفرحاني صدور ديوان صديقي العزيز محمد عز الدين الأول ( شنطة و ضبة و مفتاح ) عن دار أكتب عقبال الديوان المية يا عز و قبل ما أنسى حفل توقيعه هيكون يوم الثلاثاء الموافق 17/4في متحف الفن الحديث – دار الأوبرا - الساعة 6

..................

وسط كـــــــــــــــــــــــــــــل الحاجات اللي موتراني اليومين اللي فاتوا و وسط كم كبيـــــــــــــــــــــر جدا من الفرص الضايعة و الاحباطات المتلاحقة حصل موقف بسيط جدا ً قلب الأمور كلها لشئ ظريف و شعور لذيذ بإن دايما ً فيه حاجة جميلة في الدنيا

واحدة صديقتي من الياهو 360 اسمها هابي هي حد أنا بأعزه جدا ً رغم إننا مش صحاب قوي اتفاجئت بإنها منزلة على صفحتها قصيدة ليا اسمها " السير في اتجاه واحد " النص ده حظه وحش جدا ً حتى معايا ( اللي هو أنا أصلا ً مش معجب بيه و بأعتبره نص عادي ) المهم هي منزلاه و قايلة طبعا ً إنه بتاعي و كاتبة كلمتين جمال جدا ً في حقي

بجد اللفتة دي عملت فيا مفعول السحر

هي مش هتقرا كلامي ده بس أنا حبيت أقولها

شكرااااا.................

انهارده إتعرفت على إكتشاف مش عارف مين يعرفه و مين مايعرفهوش المهم الإكتشاف ده اسمه " سعاد ماسي " مغنية تحفة ( هي اللي أغانيها شغالة ع البلاي ليست دلوقتي )سعاد اتفاجئت بصوتها كنت من فترة صغيرة سمعت أغنية ليها اسمها (و توحشتك ) كان بعتهالي وائل صاحبي و قالي اسمعها و ماركزتش وقتها انهارده سمعتها ع البلاي ليست بتاعتي بالصدفة فدروت عليها و عرفت اسمها و بمساعدة الأستاذ جوجل عرفت عنها حاجات كتير هي مغنية جزائرية اتولدت سنة 1972من صغرها و هي بتحب المزيكا و عشان كده اتعلمت جيتار و هي عندها 7 سنين و درست موسيقى عربية و أندلسية و كانت مؤسسة في فرقة روك اسمها ( Atakor)لكن و زي كتير من فنانين الجزائر في الفترة دي نجاحها لقى سخافة من الجماعات المتشددة هناك و لذلك هاجرت لفرنسا و استقرت فيها و عملت عقد أول ألبوم لها بعد أيام من وصولها باريس

اللي عايز يسمع أغاني ليها تاني ممكن يحمل من هنا

..................

و أخيرا ً بدأت أكتب تاني بعد انقطاع لمدة شهر ( و شهر دي اللي يعرفني كويس هيفهم قد إيه هي كبيييييييييييييييييييرة جدا ً عندي ) المهم رجعت تاني لقلمي حبيبي و ورقي اللي بأقسمه بالطول من النص ( رغم غلاسة بعص صحابي و تريقتهم على الحركة دي ) و فيه قريب أخبار هأكشف هنا لما ييجي أوانها

ادعولي