30‏/07‏/2007

تصاميم ببلاش

من فترة و أنا بأفكر في الموضوع ده بصراحة
واحد صديق حاول يقنعني إنها " سبوبة " كويسة بس بصراحة أنا مقتنع إنها متعة شخصية
حاجة بتظبط مودي شوية وسط كم الخراب اللي هو فيه دايما
و بصراحة أنا مش وش فلوس و سبوبات و البتاع ده
أققضيها حاف بس أعمل اللي في دماغي
و أنا مش بأشتغل أنا بأفن
بأبدع حتى لو ماعجبش إبداعي حد غيري
ثم ده يعوض إني مابقتش بأعرف أرسم زي الأول
و بصراحة مش هأضحك على نفسي أكتر من كده
" أنا مش هأعرف أرسم زي الأول أبدا "
يلا و الله كنت موهوب زمان
مش مشكلة بقى
المهم
أنا قررت أصمم بلوج لأي حد محتاجه مجانا
و إن شاء الله يعجبه و يطلع أجمل مما يتخيله كمان
هأفتح بلوج تالت كمان أسبوع إن شاء الله أتلقى فيه كل الطلبات
انتظروني
و اللي مستعجل ممكن يبعتلي ع الميل
أنا محتاج بس تصور كل واحد عن بلوجه
لونه
صور عايزها تكون موجودة
مود البلوج
شوف إنت عايز تقول في التصميم إيه
و أنا هأعمله
و على فكرة أنا ممكن أعمل البلوج ميت مرة المهم إنه يطلع مرضي لصاحبه
تحياتي للجميع

هناك 18 تعليقًا:

break يقول...

ربنا يخليك للشعب
:)

Mohamed Kamal Hassan يقول...

فى طريقة بتعملها بعض الشركات

تقولك تعالى والدنيا مجانًا

بعد كده تروح

تلاقى كل حاجة بفلوس

(:
(:

بصراحة أنا بضم صوتى للراجل بتاع السبوبة

بس أرجع وأقول لنفسى: اتلهى

ما انت كمان كده

ربنا يخليك يا باشا

البنت الشلبية يقول...

ربنا يكرمك بجد هتبقى حاجة حلوة اوى خاصة للبلوجرية الجداد

وربنا يخليك لمصر

سلام

البنت الشلبية يقول...

اه وحبيت اقولك انى اضنم ليك فى حين احتاجت اى شئ فنى لانى بحب التصميم اوى

سلام

نفسنا يقول...

ندعوكم لزيارة العدد الثالث من مجلة نفسنا
ولمن لدية هواية الكتابة ويريد المشاركة معنا نرجو منه مراسلتنا
nafsena@gmail.com

fawest يقول...

يييييااااااااا
محمممممممممممممممممد
يييييييااااااااا
مصطفىىىىىىىىىىىىىىى
بلاش تنتحر
عاوزينك فى الشعر وبش
اذا كان كل الحلوة دى فى شعرك
عاوز لية تشتتها فى رسومات مش تبعك
على فكرة ممكن استعين بك فى اصدار مجموعة قصصية على النت
وعاوزين خبرتك يا عم

محمد مصطفى يقول...

بريك
الله يخليكي يا قمر

محمد مصطفى يقول...

ابو كمال باشا
هههههههههههههههههه
لأ يا باشا
احنا 100% فري
ههههههههه

محمد مصطفى يقول...

البنت الشلبية
سعيد بمرورك و سعيد اكتر بتفاعلك
و الله لو عندك استعداد ممكن نعمل الموضوع سوا
انا يشرفني ده طبعا

محمد مصطفى يقول...

نفسنا
علم وجاري التعامل

محمد مصطفى يقول...

فاوست
الله يخليك يا طه بس هو مين ده اللي بيكتب شعر حلو
يا راجل
عامة التصميم مش هيأثر كتير يا باشا
لا تقلق

بيتنا القديم يقول...

مادو
.....
حيث ان العملية سخنة عندك يا برنس

والعطاء ضارب في العالي

فممكن تسمحلي استغلك لله واخدعك في الله

وتصمملي بلوج مدونتي

علي ان تراعي فيه البساطة وحتة مهمة

قوي تعباني هي جو ليالي الحلمية في

التصميم حيث ان المدونة هي بيتنا

القديم

ويجعلوبالصدقات عامر

smraa alnil يقول...

ههههههههههههه

محمد تحت الطلب

يا ناصر الغلابة والشعب المطحون

محمد مصطفى يقول...

هاي سمسم
شوفي ده و اتمنى انه يعجبك للاسف مش عندي لينك البلوج عشان اقدر اتفاعل من خلاله
http://www4.rapidupload.com/d.php?file=dl&filepath=39242

محمد مصطفى يقول...

ازيك يا سمرا
ههههههههههههههه
اي نعم

غمض عينيك يقول...

ايه الكرم دا بس ياباشا

حركة رجولة مووت

تحياتي ليك
محمد سمير

محمد مصطفى يقول...
أزال المؤلف هذا التعليق.
محمد مصطفى يقول...

محمد سمير
تشكر يا نجم