20‏/12‏/2007

كموْت



1
الكل حولك عالمون بما يدورُ
مكبَّلًا بالوهم تنزفك الخطى
تتساقط الصور المعادة فوق رأسكَ
يصنع الناس الدوائر ساحبين سياط فرحتهم ظلالًا
بائعات الليل يملأن المسام َ
- رفيقة ٌ ؟؟
و يجيب :- لا
و يرد جارٌ :- ربما
- هيا ... هلموا ...
للشراب مذاقهُ في حضرة الموت ِ
استبيحوا ما أردتمْ
- من سيغلب يا ترى ؟؟
- هذي يميني إن هُزمْ
الكل يتقن دوره المرسومَ
- وحدك لا تُجيد سواء البكاء ِ-
الكون في عينيك أضيق من شهيق ٍ خائفٍ
و الوقت فأرٌ هاربٌ
و الأرض تنبت بالقطط ْ
- شخصٌ سيُقتلْ
ينساب قيصرُ في هدوءٍ زئبقيٍّ
ثم يأكل من جبين جميلةٍ و يضيفُ :
- أما من سيبقى ....
و الجميع يصيح :
- kill
يتبسم الولدان في فرح ٍ
- كشخص لم يَمُت من قبل يأكلك الجنون ْ-
و ككل أفلام الإثارة تعتلي دقات قلبك زحمة الأصوات
إلا رجفة ٌو أزيز بابٍ
- دائمًا للباب في تلك المشاهد رجفة ٌو أزيز خوفٍ لا يكل ْ -
فيشير قيصر أسرعوا
تأتيك من أقسى اليسار
تجئ من أقصى اليمين ْ
تتلاقيان بنصف دربكما تمامًا
- هكذا تبدو القواعد -
لا إليك تزل خطوتها ولا سيزل خطوكَ
بينما بعض الملائكة ارتقابٌ للذي سيكونْ
فتحوا الدفاتر - في سلامٍ مستفزٍ -
كي يخطوا من تماسك /
من سقطْ!!
يرتاح ظلٌ بين سيدتين /
يسقط آخرٌ
فتشد سيفك في دهاءٍ خلف ظهرك كي تفاجئها
يزيد تزاحم الجمهور حولكما
و يشتعل الهدير الصاخب
- الأشياء تأخذ شكل إبهامٍ يشير في عنفٍ لأسفلْ -
يتقارب الخطوان شيئًا
" سوف أجبن حين ألقاها ...
كماهُ الليل فستانٌ لروعتها
كمايَ ملطخٌ ليلي هوًى "
يتقارب الخطوان شيئًا
يعتلي الغيم المدينة - دونما سببٍ بليغ ٍ- /
قيصر المختال تشغله الكؤوس عن المتابعة /
الصبايا يختبئن وراء ظهر الأمهاتِ /
فينتشي الولدان في شطط ٍ عنينْ
و يرددون بنشوة ٍ :- لسنا نخافُ
- و أنت أخوف ما يكونْ -
يتقابل الخطوان ...
تبتلع الخناجر صوتها /
يتخبئ الولدان
- إذ نفدت شجاعتهم - /
و تنكسر الكؤوس /
يُفيق قيصر كي يتابع ما حصل ْ
تعطيك مالك من رسائل دون صوتٍ
يستفزك صمتها /
تُعريك دهشتك البليدة /
تقتفي أثرًا لسيفٍ خلف عينيها
و تُسقط سيفك المخبوء خلفك دون صوتٍ
تستعيذ من الكلام بحجم ما تحتاجهُ
و الصمت صوتٌ قاطعٌ يُنهي الجدلْ
كالقاطرات ستلزمان خطاكما
لا أنت تملك بعض صفحٍ تستديرُ
و لا ستملك بعض صفح ٍ تستديرُ
لعل َّ دربًا إن يرَ الخطوات عادتْ ينبسط ْ
النهر يخصف من سماجة بائعات الورد
و البشر الملطخهم بكاءٌ و انتظارٌ
و المواعيد التي لم يأتِ من أصحابها شئٌ
على قلبيكما
عبثا ً يداري سوأتينِ و يستعيذ
مخلفًا بعض الرسائل لم يفارقها الأمل ْ
" طوبى لقيصر سوف يضحك وقتها "

2
الدرب صار اليوم أطول َ ؟
أم تثقال خطوك المهزوم بين عيونهم كان السبب ْ ؟
الكل حولك عالمون بما جرى
و محاولاتك كي تعلل لن تفيد ْ
يتصنَّع الظل انكسارًا كي يُجانبَ أعين المتلصصين ْ
يتضاحكون بريبةٍ و تكاد تسمع همسهم
و جفاف حلقك لا يزيد الأمر إلا ضجةً
- هو ساذجٌ
فتشد خطوك آملًا أن تنتهي تلك المؤامرة السخيفة
بائعات الورد يكملنَ الحكايا
و العيون تُجيبهن بنشوة ٍ
هل من مزيد ْ ؟؟
- خدعته و هو يحبها
يزداد وقع خطاك عل َّ نهاية تأتي
يقهقه نهرك المحزون ْ
- تواعد غيره
فيصب قيصر فوق جرحك بعض خمر ٍ
و هو يسأل ُ
- هل تريد ْ ؟؟
تعدو /
يزل الخطو /
يسقط خوفهم /
و كأن زلتك الإشارة بالوعيدْ
يتراشقونك بالسباب
و يضحكون بملأ ما في الجوف من ساديةٍ
ترتاح في وضع الجنين للحظةٍ
مستسلمًا للموت في أدبٍ مهينْ
يتداولونك بينهم
و الصمت في عينيك يكسبهم مزيدًا من جنون ْ
فتلوذ بالعدو المدان ِ
و مطفئًا عينيك تعدو
لا طريقَ يلم خطوك دون سب ْ
تعدو ...
و هم سقط مناكبهم من الضحك الثقيل
و لطخت نظراتهم لون البعيد ْ
لللامكان تسيب خطوك َ
ساعة الميدان تضغط فوق جرحك في ثبات ٍ مستفز ٍ
طالما آمنتَ سلفا ً أنها صُنعت بهذا الحجم كي تدمي جراحكَ
حين يذهب من ذهب ْ

3
ورق النتيجة يعلن اليوم
التوحد بين عيد الحب والإفلاسْ
يُدميك فقرك مرةً
يُدميك قلبك مرتين ِ
النهر لم يعبأ لقلبين استظلا بالشموس ِ
مخلفين رفاهة الظل ِ المشتت بين شوق ٍ و احتراس ْ
البنت كل كلامها عنه ُ
و كل كلامهِ عنها
- جميلٌ أنتَ كالأنغام ِ
- كانت إذ تقابلني
تقاسمني الذي خبزته من جمل ٍ
فإن قالت جميلٌ أنتَ تترك باب جملتها
لتكمل قولها الأنفاسْ
- قلها
- و كنتُ إذا قابلتها أخفي ثقوب ملابسي
و هْي التي ترفو سماواتي صباحًا
ثم يثقبها ضياء ً في المساء رحيقها
- عام ٌ سعيدٌ
تلتقيك بقبلةٍ و هديةٍ
- كاليوم كنا ...
- قد نكون ...
- و قد يحاصرنا اليباسْ
من ثغرة بالقلب يخرجها التذكر
يستفيق النهر من نوم ٍثقيل ٍ
بينما ليلاك مقبلة ٌ عليكَ
النهر خلفكَ و اندهاشٌ باتساع الجرح صوبكَ
تجمعُ البنتَ /
الهديةَ /
أمنياتٍ ملأ عينيها /
فتاتًا من هواها
عند أقرب سلة
تُخفي ارتباكك َ
تتقيها بافتعال الوحي
تضطرم الحواسْ
تمضي إلى العينين مشتاقًا تداسْ
الصمت لا يخفي ارتباكك و هْي تنعتهُ حبيبي
و اختلاق اللطف يفضح ما لديكَ
نوارس الترحال تأكل جثة البحر المشتت مثل جرحكَ
فوق أرضٌ من يباس ْ
مازال شبر ٌ فاصل ٌ
اليوم حاذر أن تداس ْ
3
سنضحك حينها جدًا
ببطئ سوف ترتفعين شيئا ً فوق كتفيهِ
ببطئ سوف أرمي نظرةً
ترتد من عينيك
تعتدلين ضابطةً حجاب الرأسِ
رامية ًحدود الأمس في طبق الحساء من الألمْ
[ سنذكرنا إذا أعطيتهِ وعدا ً و لم تأتي
و نذكرنا إذا أعطيتُها وعدا ً و لم ْ
إن هشَّ قصرُ النيل كلَّ العابرين لكي تمرا في هدوء ٍ
أو تبدل مدخل الأوبرا لتفتتحا براءة مقلتيه ِ
سنذكرنا إذا ما مارسا نفس التخاذل ِ]
أنتشي إثر التذكر ثم أسحب مقلتي َّ
فربما من بعد تفكيرٍ يفاجئني سلامك
ثم ترتسمين تفسيرًا يناسب شك عينيهِ
فيذرف بسمةً
أو ربما تتساقطين على يديهِ
و تسألين : - تحبني ؟؟
فيجيب : - طبعًا
حينها عيناك تطلب عفوهُ عن أي ذنبٍ ليس يعرف
سوف أضحكُ
حين أسقط فوق كفيهاو أطلب عفوها عن أي ذنبٍ
أتقيه بنظرة حملت ْ
- بدون إرادة ٍ مني -
أنا قد كنت قبلك

18‏/12‏/2007

عودة


أي حد منتظر بوست جامد و مفيد و منظم و الحاجات دي ما يكملش
أنا فعلا ً مش بأعرف أعبر عن نفسي كويس
مش عارف هأقول إيه أو أبتدي منين بس أنا حاسس إني عايز أنزل بوست
وحشني البلوج و حشني كل الناس بجد
فعلا ً الفترة دي حسستني بقيمة كل الناس حتى اللي بيكرهوا أو بيحاربوا
فيه قصة صغنونة سمعتها من فترة و اتعلقت بيها قوي
كان واحد بيكره واحد جدا ً جدا ً لدرجة لا توصف و كان ليه صديق بيقعد كل شوية يشتكيله من الشخص اللي بيكرهه ده فصديقه يضحك و يقوله إنك هتحبه فيقوله مستحيل فصاحبه يضحك أكتر و يقوله لما يموت هتحبه
فشاء ربنا إن الشخص ده يموت
فقعد الشخص ده يبكي بحرقة جدا ً لموته و يقول إزاي ... إزاي أنا كنت بأكرهه كل الفترة دي ده كان طيب و كان و كان و كان
للأسف مش بنحس بجمال الشئ غير لما بنفقده
رغم كم التعب اللي كنت فيه خاصة في أول أيام ليا في الجيش إلا إن أكتر شئ تعبني هي الوحدة
وحيد وسط 1500 فرد
شئ متعب بجد
أنا الموصوم بالوحدة الاختيارية طول عمره بيعاني من الوحدة
فاكر إني أكتر يوم تعبت فيه كان بسبب إني كنت في أشد لحظات تعبي النفسي و محتاج أي حد أتكلم معاه
فعملت المستحيل عشان أعرف أتكلم
و كلمت حد كنت أتصور إنه الأقرب ليا
فرد عليا بمنتهى البرود فنهيت المكالمة من غير ما أقوله أي حاجة ... ياااااااااااااااااه قد إيه الموقف ده كان متعب
لكن الفترة دي على قد تعبها على قد جمالها
حقيقي فترة مش هتتعوض من عمري
فترة حددت علاقتي بناس كتير و غيرت جوايا حاجات أكتر
بقيت خارج كل الضغوط و بأحدد مين و إيه رقم واحد في حياتي و مين رقم اتنين
و أنا عايز أبقى إيه و ازاي
اتغيرت كتير لكن أزعم إني من اللي اتغيروا بعقلهم
يعني أنا غيرت اللي كنت عايز أغيره في محمد مصطفى
في أول يوم ليا في الجيش جالي هبوط و إغماءة و اتعلقلي محاليل و حاجات كده
إحساس الضعف ده هو اللي اتولد منه إحساسي بالقوة بقية الفترة
ماكتبتش حاجة تذكر
لكن كان فيه حاجات أهم من الكتابة
كان فيه بناء داخلي ليا كمبدع من ناحية و كإنسان من ناحية تانية
حاسس إني هأكتب لو قررت إني أكتب
و لو قررت إني ماكتبش برضو هأكون أفضل
أنا بخير
لو كان فيه حد قلق عليا
الحمد لله
كل سنة و إنتم جميعا ً طيبين

30‏/10‏/2007

خالد عبد القادر



نادرا ً جدا ً لما فرحت لحد فاز في مسابقة خسرت فيها


اممممممممممممممم


غالبا ً بيحصل لو كان صاحبي قوي قوي


امبارح لقيتني مبسوط مبسوط بجد يعني من جوايا


رغم مييييييييييييت حاجة المفروض تحزني

يكفي مثلا ً كمثال

رايح أسلم نفسي في الجيش تاني يوم


مسابقة أنا عارف مسبقا ً إني خسران فيها


بس بجد كنت فرحان


الطريف بقى إن خالد مش صاحبي من زمان


و يمكن ما قعدناش مع بعض الفترة اللي هي يعني


لكن هو من الناس اللي اقتحمت حياتي برغبتي


مش بأعرف عبر عن اللي أنا عايزه كويس


فكده كفاية و بس خلاص


مبروك يا خالد جايزة الساقية و يا رب تكون بداية و تجمد كده بقى عايزين جوايز كتر و حاجات كده


يلا سلام


26‏/10‏/2007

عن عزو و جو و أشياء أخرى تخصهم


أحد مسلسلين تابعتهم حتى النهاية بدأب أحسد عليه


و ذلك لسببين الأول إعجابي المطرد بيحيى الفخراني كواحد من أهم الممثلين المتواجدين في الساحة فنا ً و الثاني لاستمتاعي بهوايتي المحببة في تتبع أعمال يوسف معاطي و ملاحظة تطوره و تعثره الإبداعي من عمل لآخر


قبل معرفتي بحمادة عزو سمعت خبر أن الحكومة أو ما تسمى بذلك اسما ً أو فعلا ً متمثلة في وزارة الاستثمار ستفتح باب التقدم للحصول على ترخيص بناء مصنع للأسمنت و يُقال أن الأمر سيمتد للحديد فكان ردي بلا تفكير أخشى ما أخشاه أن يكون لدينا عشرة مصانع للحديد فتكون الاسماء حديد عز و حديد عزو و عزكو للحديد و ... إلخ


فلما سمعت اسم حماد عزو ابتسمت جدا ً كما يليق بابتسامة تشفي ظانا ً أن جو - كما يسمى يوسف معاطي - سيتحفني بمسلسل لاذع و قد كان و لكن بشكل آخر و نسق مختلف


علاقتي بيوسف معاطي ممتدة كقارئ نهم في البداية ثم كمتعلم يشق طريقه في الكتابة الساخرة - آن ذاك - و أستاذ يراه مثله الأعلى
ربما كان لقائي الأول به عبر كتبه في بدايات عام 2000 في بعض المقالات ثم بعض الكتب لعل أقربها لي " آه يا دماغي " إلى سلسلة أفلام و مسرحيات بالتعاون مع البوابة الرئيسية لظهور أفلام جو إلى النور عادل إمام و أخيرا ًمسلسلات كأنه فهن لأنه لن تسقط من قعر القفة


لم يتغير رأيي في يوسف معاطي كثيرا ً كمبدع في الأدب الساخر لم أجد من يضاهيه إلا عزيز نسين و أناتول فرانس


و كذلك أعجبني كأحد صناع ما تشبعنا به الشاشات من مؤثرات ليل نهار حينما شاهدت أول أعماله كونت عنه رأي لم يتغير أيضا ًيوسف قناص جيد للفكرة و راسم متألق لمعادل موضوعي - متميز و تجاري - لما يريد أن يقول تعلم كيف يجتاز الخطوط الحمراء بخبرة جيدة


لكن العجيب أن كاتب بمثل هذا الحجم يُبقي على ما عليه من مآخذ طوال مسيرته فبطول أعماله كلما طال العمل كلما أفلتت خيوط اللعبة من يديه دائما ً ما تخونه الحبكة فيبقى منتصف العمل كالرقعة في الثوب الأبيض إلى أن يتم بحمد الله


خاصة و هو لا يتكئ على صراع طولي في معظم أعماله و يكتفي بإخراج بعض الخدع و المفاجآت من جعبته بين الحين و الآخر فتظل شخصياته مهزوزة لا ينقذها من التماهي إلا تفوق ممثلين أو ذكاء مخرج و يبقى النص مفتوح قابل للزيادة و قابل للإنهاء في أي وقت


كما قال أحدهم تعليقا ً على الحلقة الأخيرة من " يتربى في عزو " ردا ً على تساؤل آخر عن النهاية المفاجئة لكل تلك المشاكل التي جعلها مستعصية " هو قال يقفل هنا فقفل عشان يبقوا 30 حلقة "حمادة عزو آخر سلسلة طويلة تتشابه كلها في الأخطاء


فالبداية جيدة لشخصية مستهترة رسمت بشكل مقبول خاصة في ظل وجود شخصية الأم المدعمة لها و بدأت أبحث عن الصراع و عن ماهية وجود الشخصيات المتتابعة شخص مستهتر أم حنانها قاتل أبناء متباعدون و أسر نتجت عنه و تشتت و عائلة تعيش على ماضيها


ثم يبدأ الأخ حمادة في تلقي الصفعات تباعا ًسواء متباعدة كانت أو متواترة أو مجمعة و كذلك ينال الآخرون من الصفعات جانب


ككاتب ذكي فنيا ً و تجاريا ًبدأ قصته من نقطة محورية و عرف في أول نصف ساعة بالكم الأكبر من شخصياته و رسم شخصية حمادة رسما ً مبدئيا ً موحيا ً بما سنراه في الآتي من القصة ثم حرص على إخراج ما لذ و طاب من المشوقات بين الحين و الآخر و ظل إلى النهاية متحفزا ً بجعبته الملآنة لأي تطور يحدث
و لكن لماذا عاش حمادة عزو 30 حلقة - ككل أبطال جو - ليتهدي للحل في ثوان معدودة ؟؟؟
في ثوان ٍ تزوج نوال الشخصية الأبعد له و أصبح غنيا ً و يحاول الالتزام و و و و
امممممممممممممممممممم
حتى لا أكون متجنيا ً على يوسف ففي تلك المرة بحث عن سبب وجيه يسوقه لنا فألهمه عقله ان يُميت ماما نونا و قد كان كتبرير للتحول الغير منطقي في شخصية حمادة
سبب مناسب لكنه يصلح لكاتب مغمور ليس لكاتب له ثقله
و لكن هرب جو من إحدى أزمات الكتاب المسلوقين الذين يحولون في لحظة البطل من التفاهة للمثالية ففي آخر الشوط نراه يقول أن حمادة يحاول فقط أو بمعنى أصح يحاول أن يحاول
أتعبني جدا ً تزامن المسلسل مع حملة " انت قاعد ع القهوة ليه ... و القطر اللي هيفوتك " و كأن جو يناوئ الحكومة كأي فاعل خير

و أتعبتني بعض الجمل الفاضحة لما وراء القصة كأن جو يقول " افهم بقى يا أخي أنا بأتكلم عن كذا " من نوعية حوارات نوال عن أهمية البحث العلمي و بعض الجمل الآخرى كحوار لإبراهيم في الحلقة الأولى هو الأسوأ و هو يقول لصديقه " عيلة عزو دي زي مصر المحروسة فيها ناس فووووووق مش عارفة تودي الفلوس فين و ناس تحت مش عارفة تجيب الفلوس منين " الجملة في حد ذاتها مقبولة لكنها فاااااااااااااااااااضحة للقصة بشكل بشع
و الأفضح أغنية النهاية على الرغم من كونها مقبولة إلى حد كبير
عامة كل عمل و انت بخير يا عم جو و ربنا ما يقطع لك سبوبة

17‏/10‏/2007

أنا كسبت يا بشر



آه و الله تخيلوا
المهم إني كنت متأكد إني مش هأكسب

أنا أصلا مش بتاع مسابقات من أول ما قلت يا مسابقات و مش بأكسب حتى لو كنت إييييييييييييييه

و في أفضل الظروف بأكسب بس مش بأكون الأول يُقال إنه عمل سفلي

المهم المعجزة حصلت يظهر

فنقلا ًعن مدونة محمد كمال و بالتأكد الشخصي منه وصلني ما يلي

تتشرف ورقة وقلم -تجمع أدبى غير هادف للربح - بأن تعلن نتيجة سلسلة ورقة وقلم و أسماء الكُتاب الذين تم اختيارهم لنشر أعمالهم الإبداعية بالدفعة الأولى من السلسلة، وهم
أولاً: فى مجال القصة القصيرة
القاص/ ولــيــد خــطــاب
عن مجموعته مكتوب على الحافة
القاصة/ دعــاء عــبــده
عن مجموعتها أشجار أفزعها البرق
ثانيًا: فى مجال شعر العامية
الشاعر/ مــحــمــد ســالــم
عن ديوانه هنجرانى
ثالثًا: فى مجال شعر الفصحى
الشاعر/ مــحــمــد مــصــطــفــى ده أنا طبعا
عن ديوانه يشبهنى تمام الشبه
رابعًا: فى مجال الرواية
حُجبت
خامسًا: فى مجال النقد الأدبى
لم يتقدم أحد
سادسًا: فى مجال الكتابة المسرحية
لم يتقدم أحد
كما حُجب العمل الثانى فى كلاً من شعر العامية وشعر الفصحى

_______________________


ورقة وقلم تتقدم بخالص التهنئة إلى السادة الكُتاب الذين تم اختيار أعمالهم المميزة للنشر بسلسلة ورقة وقلم وبخالص تمنياتنا لهم بمستقبل وافر المجهود والنجاح، علمًا بأن أعمالهم سوف تبدأ طباعتها خلال أيام

ده بالنص من مدونة محمد كمال

بجد مش مبسوط إني هأشوف شغلي مطبوع قد مانا مبسوط إنه هيكون جنب شغل الناس دي و قد مانا مبسوط إني هأشوف شئ عاصرته و كنت أتمنى إني أشوف نجاحه
مبروك لكل من
وليد خطاب
دعاء عبده
محمد سالم
مبروك لمحمد كمال و مصطفى الحسيني
و مبروك ليا يعني أنا اللي ماليش نفس

10‏/10‏/2007

3x1

بعد مداولات كتيرة بأفكر أكتب عن إيه
لقيت إني محتاج أنزل قصيدة و بوست تهييس و بوست معايدة
فقررت أعمل كده
لم يكن
ها أنت تنظره ُ
الشك يأكل مثل الطير من رأسك ْ
و الخوف يأكله ُ
الحزن يصبغ من عينيك أسودها بيأسك ْ
و الحزن يصبغه ُ
ضدان متحدان فيك َ
شك ٌ أنت ...
أم ترى أمل ُ ؟؟؟

راهنتني سأراك
لكن لم أرك ْ
القادمون من الضباب تملقوا البئر َ
استكانت أعين الخيل
ارتقابا ً للشراب ِ
و تابعت عبث الصهيل ِ
تفرقوا
إذ لم يكن بالبئر ماء ٌ
لم يكن للناس أذن ْ
و لذا توارت صيحتي
و بَنَت لوحدتها سكن ْ
حاولت جرح الصمت
آلمني الكلام ُ
فعدت مصفراليدين ْ
من للوحيد بسجنه و لمن يئن ْ
و الخوف صعب ٌ مثل حضنك حين تبسطه لغيري ؟!!
كم دعوت الذئب لكن لم يَمِن ْ
الدرب لم يعرف خطاي
فكيف يحملني إليك ْ ؟؟

النسوة اللاتي قطـَّعن أيديهن َ
في معاد ٍ من حكايا الفقد ْ
فقـَّأن أعينهن عامدات ٍ
لم يشفع قميص ٌ قـُد ْ

لا الريح شاءت أن تسيرني إليك بشارة ً
أو ثم جدب ٌ حان ْ
سبع ٌ سمان ٌ تلتقي سبعا ً سمان ْ
أنـَّى أعود إليك ْ
لا أنت سيرت القوافل ...
تقتفي أثرا ً لشك ٍ لم يمت بالقلب ِ
أو صدقت موتي دون شك ْ
شئ ٌ من الحزن الكظيم ِ
و عدت مرفو َّ الجنان ْ
فلما تراها ابيضت العينان ْ ؟؟

جرحٌ سكوتك أم فرح ٌ نشأ ْ ؟؟
أبصر به فرحا ً
كي تستعيد إذا تشاء مَن لم يشأ ْ

لو كان فقدي في رؤاك علامة
ماكنت أحزن
أو أحس بأن سطرا ً من حكايتنا فـُقد ْ
لما تزل فيروز تجلدني :
- سنرجع ؟؟؟
و الطريق يجيب عني لم يعد ْ
العمر يثقبني كقرش ٍ
ماحيا ً أملي بأشياء ٍ تفوق توقعي
أدلي الجرار لينعموا
و القلب يأكله الزبد ْ
حسك ٌ على حسك ٍ
و ما بالقلب واحدة ٌ تشاركني
اكتشاف غياهب المترو /
شوارع لم تطالعنا /
احتراف هروبنا إن لازم الأهل البيتوت /
غيابنا و الدرب يقرؤنا الحضور /
حضورنا بمعاطف ٍ من فقد ْ
هل سوف تذكرني الأماكن إن أعد ْ
ما شكل شارعنا القديم /
شحوبه /
أسنانه الأسمنت ؟؟؟
هل مازال حيا ً
أم كماي َ لم يعد ْ ؟؟؟
فيما اندهاشُك من برود ملامحي
و توترُ الحضن المزين بالدموع
إذا تفتح لي أصُد ْ ؟؟
جرحي بجرحك إن قبلتُ تساويا ً
عيناك ترتجل الدموع
و لم أ ُجد غير الدموع ِ
تصب رملا ً فوق رأسكَ
لم أ َجد إلا رمالا ً فوق رأسي
تنتقي الدعوات عل َّ الله يرجعني
و مثلكَ
أنتقي الدعوات علـَّي أنتصر ْ
أعمى و قلبي لم يعد يرجو النظر ْ
وفـِّر بكاءك سيدي
أنا لن أعود
*****
للبنت التي لم أستطع أن أحبها قدر ما تستحق
شاء الهوى أن نلتقي سهوا
ربما أحبك في زمن ٍ آخر
*****
و للجميع أهدي رائعة للعبقري علي الحجار
هي قديمة بس أعتقد ماحدش يعرفها
و أهو أبقى عيدت على الجميع
اسمعوها و قوليلي رأيكم

03‏/10‏/2007

انتوا مين ؟؟؟؟


من يوم ما ركبت عداد الدول عندي في البلوج و أنا هاتجنن

كل يوم يقولي جالك عدد كذا من دول كذا و خد عندك بقى حبة من أمريكا و شوية من إيطاليا على القليل من هولندا و أسبانيا و فرنسا و أخيرا بقى فيه موريتانيا و أفغانستان و أذربيجان بخلاف مصر

طبعا ً مبسوووووووووووط جدا ً إن فيه ناس بتابعني و خاصة لو من دول تانية

لكن مندهش جدا ً و مستغرب الناس دي عرفت البلوج منين و ليه بيتابعوه و ليه مش بيسيبوا كومنتات

امممممممممممممممممممم

ممكن نتعرف ؟؟؟

يا ريت كل واحد يدخل البلوج يكتب البيانات دي كنوع من التعارف و اللي يحب يلنـّك معايا إيميلي في البروفايل


الاسم

اسم المدونة و لينكها إن وجد

البلد

الهوايات

عرفت منين البلوج بتاعي

من إمتى

ليه بتتابعه

بتتابعه بمعدل قد إيه

إيه أكتر حاجة بتعجبك فيه

و من يزد فله الأجر و الثواب طبعا

أرجو إن الناس تتفاعل و تسيب إجابات

تحياتي للجميع
تحديث
ده بجد على فكرة

20‏/09‏/2007

ياااااااااااااااااااااااااااااااااااا رب

اللهم إني صائم
بنقولها ميت مرة في اليوم
سواء عشان قلة صبرنا و نرفزتنا سريعة الاشتعال
أو لضغوط الحياه
او لغباء الآخرين و استفزازهم لما تبقى من عقولنا
و لذلك قررت أفرغ طاقتي السادية فيكم بصراحة و أعرض شوية صور بتحرق دمي كل ما بأشوفها
اللي عنده الضغط أو القلب أو تصلب الشرايين أو الشلل الزحافي ما يقراش
و السليم أنصحه و أحب أفكر إن الوقاية خير من العلاج
اللهم أما بلغت اللهم فاشهد

بلدنا أول و تاني تشريون

و لا تعليق تاني
عداهم العيب


بجد ضحكت بشكل غريب لما شوفتها

أنعم و أكرم

دي قديمة حبتين بس بأحبها
و براءة الأطفال في عينيه


يا ابن الرايقة
إنت قاعد تتكلم هنا و البلد كلها بتغرق



هههههههههههههههههههههههههههههه


دي أمه الرايقة اللي كنت باتكلم عنها فوق

أقطع دراعي لو كانت دي قريبتهم

ندالة ندالة يعني

ما هو كمان لازم ينوبه من الحب جانب

اللي يغيظ إنه شايف برضو
شئ يجنن
هل عندك شك !!؟؟

لا تعليق
بجد

16‏/09‏/2007

هو الريس فين ؟؟؟




السلام عليكم - هاي سابقا ً - ازيكم .. عاملين ايه


كل سنة و انتم طيبين


معكم محمد مصطفى من إحدي سيبرات شبرا العامرة


نظرا ً لأن الكمبيوتر قل بأصله لأول مرة و فيّـص معلنا ً تعبه مني و من استغلالي له ليل نهار


فأرجو أن يعذرني الجميع على الغياب - إن كان هناك من يهتم بغيابي طبعا ً - و ها أنا أحاول الرجوع مرة ثانية


المهم


من فترة تفشت الإشاعة المغرضة البغيضة المؤذية و المزرية في ذات الوقت


بموت الرئيس المفدى أطال الله عمره - البعض يقول أدام الله عمره - و أنا كمواطن صميم سمعت الإشاعة و تفاعلت معاها بشكل ما


طبعا ً كذبها البعض و أكدها البعض


و أنا لا صدقت دول و لا دول


رغم إني سمعت إنهم جابوا حديث للريس و إنه حضرشوية حاجات عشان يثبت وجوده


الموضوع وقف معايا هنا و شكرا ً مصر


لحد يوم الجمعة الل فات لقيت حاجة غريبة جدا ً مش فاهمها


الي بيتابع الأهرام يمكن يكون أخد باله


الريس بقاله أكتر من 3 أسابيع بتتحطله صور قديمة أو متفبركة


يعني كمثال اللي عنده الأهرام عدد الجمعه اللي فاتت و الجمعة اللي قبلها يشوف صورة الريس اللي في الصفحة الأولى و يركز شوية


صدقوني نفس البدلة - يمكن حد ظريف يقولي إنه من تواضعه معندوش غيرها- لكن نفس الجلسة و حركة الإيد الأوضة بتفاصيلها نفس الترابيزة و الطفاية و الستاير


اللي متغير بقى الشخص اللي معاه


و اللي يركز أكتر هيكتشف إن فيه صورة منهم واضح جدا ً إن حجم الرجل اللي بيكلم الريس واضح إنه متركب و حجمه أكبر من حجم بقية الصورة


كنت طبعا ً عايز أجيب الصور دي عشان أعرضها لكن الأهرام كأي جرنال عربي محترم مخلي خدمة البحث فيه بفلوس


عامة


واحشني يا ريس


اكتشفت فعلا إني بقالي كتير ماشفتلوش حديث ولا خطاب


الواحد بيحس إنه يتيم في غياب الرئيس الضاحك


حبيبي يا ريس



يلا أشوفكم على خير


كان معكم محمد مصطفى


من إحدى سايبرات شبرا

08‏/09‏/2007

في فضل الحيوان عمن سواه

غريب جدا ً الإنسان ده
علاقته متوترة دايما بالحيوان و بيبصله بتعالي عجيب مالوش أي سبب أو محل من الصحة
الإنسان استعبد أم الحيوان و لسه برضو العلاقة بينهم متوترة
نغص عليه حياته و شتت عائلاته جوا الغابة و بره الغابة و شغله في السيرك و الغيط و جر العربيات الكرو
و لسه العلاقة بينهم متوترة
زاد التقدم البشري و بقى الحيوان مجرد لعبة مسلية ليه و لأولاده
و برضو لسه العلاقة بينهم متوترة
يظهر إن البني آدمين عاملين عقلهم بعقل الحيوانات و حاسين بتفوق الحيوان الكبيييييييييييير عليهم و ده عاملهم عقدة ضخمة
الطريف إن برغم الحروب و المجازر و الكوسة و القرع و القرف اللي مالي الدنيا لما نلاقي الحياه بقت مش عادلة و الكبير - لاسمح الله- بياكل الصغيرو يحلي بالوسط نقول
إييييييييييييييييييه هو إحنا في غابة
و لو حد غلط فيك تقوله
إنت حيوان
بيبعت الإنسان كاميرات عشان تثبت كلامه و تأكده
و يقلق الحيوان و ينتهك خصوصيته
ما يشوفش إن الحيوان ده يمكن يكون مكوع ولا قاعد مع المزة ولا بياخد دش
كل ده عشان يصور خناقة بين حيوانين و يقولك أهه غابة أهه
بصراحة فعلا ده
بيحصل و القوي بينتصر
ساعات يعني
زي كده

و ممكن يكون النصر لصاحب السلاح الأقوى
زي ده


لكن في الغابة فيه متسع و فرصة كبييييييييييييييرة
إنك تنتصر لأنك الأذكى مثلا
زي صاحبنا ده
بجد قرد .......................عفرييييييييييييييييييييييييييت



و الوحوش هناك مهما كانت وحشيتها عندها إحساس


حتى و هي ميتة
و متقطعة ميت حنة


ده ضب على فكرة

على النقيض بقى البني آدم زي صاحبنا ده


الل كان في بقه ده ضب مش سحلية
يلا بالهنا و الشفا
ولا المؤذي ده
اللي بيتشطر على تمساح قد ركبته


أو الدرزي الصغير ده مع إنه لذيذ بجد

بس من موقعي هذا أحب أطمنكم إنه لسه فيه أمل في الأطفال اللي بتحس من صغرها


و اللي مزاجهم عالي كده



إذا تجنبوا المؤذيين


و اهتم بيهم أبوهم و أمهم شوية


أنا مش جاي أحبطكم
بس ماتتفاءلوش قوي
لأن كل ده ممكن ما يأثرش
و بعد نجاح ظاهرة أولاد الشوارع تطلع ظاهرة أولاد الاشتغالة
زي ده


أو الغباء الفطري زي ده
تأكيدا ً للحكمة الخالدة
الصياعة غبا مش هز اكتاف

أنا أشك إن الجمهور غبي للدرجة دي
و بأرجح إنهم اتخنقوا منه فقرروا يخنقوا عليه
مش عارف ليه بيفكرني بإعلان ميلودي الجديد الي الواد فيه بيتحول لبيضة
لكل الأسباب السابقة
أنا بأحيي بصدق الصديق العزيز اللي سألته المذيعة
لو ماكنتش طلعت شاعر كان نفسك تطلع إيه
فجاوب و بكل ثقة
أنثى فرس النهر
- على فكرة ده موقف حقيقي-
أحييه بعد 3 سنين من الموقف ده و أقوله كان عندك حق
يلا خدوا بالكم من نفسكم بقى
سي يو

03‏/09‏/2007

إرم

جاني من يومين إميل حلو جدا
بيتكلم عن إرم مدينة قوم عاد
أجمل و أفخم و أعظم مدينة في التاريخ بنص القرآن الكريم
تخيلوا الناس دول بنوا مدينة بكاملها في الجبال
يعني انا آجي على حتتة جبل صغنون كده و أعمل منه كوبري و بيوت و عواميد و طرق
الناس دي كانت دمااااااااااااااااااااااااااااغ
كويس إن ربنا خدهم كان زمانهم محتليينا
و إن كنت متأكد إنهم ماكانوش رغم جبروتهم ده كله هيرضيهم يغلوا الرز و المكرونة جنيه مرة واحدة
حتى عاد عنده قلب
ماعلينا
المهم
الميل بيقول بعد الإختصار و الذي منه ما يلي
تم الكشف في مطلع سنة‏1998‏ م عن إكتشاف مدينة إرم ذات العماد في منطقة الشصر في صحراء ظفار , ويبعد مكان الإكتشاف مايقارب 150 كيلو متر شمال مدينة صلالة و80كيلو متر من مدينة ثمريت . وقد ذكرت مدينة إرم وسكانها قوم عاد في القرآن الكريم في اكثر من آية كما في قوله تعالى : إرم ذات العماد‏*‏ التي لم يخلق مثلها في البلاد‏*‏‏(‏الفجر‏:6-8).‏ وجاء ذكر قوم عاد ومدينتهم إرم في سورتين من سور القرآن الكريم سميت إحداهما باسم نبيهم هود‏(‏ عليه السلام‏)‏ وسميت الأخري باسم موطنهم الأحقاف‏,‏ وفي عشرات الآيات القرآنية الأخري التي تضمها ثماني عشرة سورة من سور القرآن الكريم
وذكر قوم عاد في القرآن الكريم يعتبر أكثر إنبائه بأخبار الأمة البائدة إعجازا‏,‏ وذلك لأن هذه الأمة قد أبيدت إبادة كاملة بعاصفة رملية غير عادية‏..‏ طمرتهم وردمت اثارهم حتي أخفت كل أثر لهم من علي وجه الأرض‏,‏ وبسبب ذلك أنكرت الغالبية العظمي من الأثريين والمؤرخين وجود قوم عاد‏,‏ واعتبروا ذكرهم في القرآن الكريم من قبيل القصص الرمزي لاستخلاص العبر والدروس‏,‏ بل تطاول بعض الكتاب فاعتبروهم من الأساطير التي لا أصل لها في التاريخ‏,‏ ثم جاءت الكشوف الأثرية في الثمانينيات والتسعينيات من القرن العشرين بالكشف عن { مدينة إرم } في صحراء الربع الخالي في ظفار 150كيلو متر شمال مدينة صلالة جنوب سلطنة عمان وإثبات صدق القرآن الكريم في كل ما جاء به


في تفسير ماجاء عن‏(‏ قوم عاد‏)‏ في القرآن الكريم نشطت أعداد من المفسرين والجغرافيين والمؤرخين وعلماء الأنساب المسلمين‏,‏ من أمثال الطبري‏,‏ والسيوطي‏,‏ والقزويني والهمداني وياقوت الحموي‏,‏ والمسعودي في الكشف عن حقيقة هؤلاء القوم فذكروا أنهم كانوا من‏(‏ العرب البائدة‏)‏ وهو تعبير يضم كثيرا من الأمم التي اندثرت قبل بعثة المصطفي‏(‏ صلي الله عليه وسلم بمئات السنين‏,‏ ومنهم قوم عاد‏,‏ وثمود‏,‏ والوبر وغيرهم كثير‏,‏ وعلموا من آيات القرآن الكريم ان مساكن قوم عاد كانت بالأحقاف‏ وهي جزء من جنوب شرقي الربع الخالي بين حضرموت جنوبا‏,‏ و الربع الخالي شمالا‏,‏ وعمان شرقا , أي ظفار حاليا


كما علموا من القرآن الكريم ان نبيهم كان سيدنا هود‏(‏ عليه السلام‏),‏ وأنه بعد هلاك الكافرين من قومه سكن نبي الله هود أرض حضرموت حتي مات ودفن فيها قرب‏(‏ وادي برهوت‏)‏ الي الشرق من مدينة تريم


أما عن‏(‏ إرم ذات العماد‏)‏ فقد ذكر كل من الهمداني‏(‏ المتوفي سنة‏334‏ هـ‏/946‏ م‏)‏ وياقوت الحموي‏(‏ المتوفي سنة‏627‏ هـ‏/1229‏ م‏)‏ أنها كانت من بناء شداد بن عاد واندرست‏(‏ أي‏:‏ طمرت بالرمال‏)‏ فهي لاتعرف الآن‏,‏ وإن ثارت من حولها الأساطير‏

في سنة‏1984‏ م زود احد مكوكات الفضاء بجهاز رادار له القدرة علي اختراق التربة الجافة الي عمق عدة أمتار يعرف باسم جهاز رادار اختراق سطح الأرض ‏GroundPenetratingRa darOrGPR فكشف عن العديد من المجاري المائية الجافة مدفونة تحت رمال الصحراوي ‏.‏ وبمجرد نشر نتائج تحليل الصور المأخوذة بواسطة هذا الجهاز تقدم احد هواة دراسة الآثار الأمريكان واسمه نيكولاس كلاب‏ NicholssClapp‏ إلي مؤسسة بحوث الفضاء الأمريكية المعروفة باسم ناسا‏ (NASA)‏ بطلب للصور التي أخذت بتلك الواسطة لجنوب الجزيرة العربية‏,‏ وبدراستها اتضح وجود آثار مدقات للطرق القديمة المؤدية الي عدد من أبنية مدفونة تحت الرمال السافية التي تملأ حوض الربع الخالي‏,‏ وعدد من أودية الأنهار القديمة والبحيرات الجافة التي يزيد قطر بعضها عن عدة كيلو مترات‏


وقد احتار الدارسون في معرفة حقيقة تلك الآثار‏,‏ فلجأوا الي الكتابات القديمة الموجودة في إحدي المكتبات المتخصصة في ولاية كاليفورنيا وتعرف باسم مكتبة هنتنجتون‏ HuntingtonLibrary, وإلي عدد من المتخصصين في تاريخ شبه الجزيرة العربية القديم وفي مقدمتهم الأمريكي جوريس زارينز ‏JurisZarins‏ والبريطاني رانولف فينيس ‏RanulphFiennes وبعد دراسة مستفيضة أجمعوا علي أنها هي آثار عاصمة ملك عاد التي ذكر القرآن الكريم ان اسمها‏(‏ ارم‏)‏ كما جاء في سورة الفجر‏,‏ والتي قدر عمرها بالفترة من‏3000‏ ق‏.‏م‏.‏ الي ان نزل بها عقاب ربها فطمرتها عاصفة رملية غير عادية


وعلي الفور قام معمل الدفع النفاث بكاليفورنيا‏(‏ معهد كاليفورنيا للتقنية‏)‏ ‏(TheJetPropulsionLa boratories, >>CaliforniaInstitute ofTechnology, J.P.L)‏ باعداد تقرير مطول يضم نتائج الدراسة‏,‏ ويدعو رجال الأعمال والحكومات العربية الي التبرع بسخاء للكشف عن تلك الآثار التي تملأ فراغا في تاريخ البشرية‏,‏ وكان عنوان التقرير هو‏:‏ البعثة عبر الجزيرة
>>‏TheTrans-ArabiaExpe dition‏


وقد ذكر التقرير ان اثنين من العلماء القدامي قد سبق لهما زيارة مملكة عاد في أواخر حكمها‏,‏ وكانت المنطقة لاتزال عامرة بحضارة زاهرة‏,‏ والأنهار فيها متدفقة بالماء‏,‏ والبحيرات زاخرة بالحياة‏,‏ والأرض مكسوة بالخضرة‏,‏ وقوم عاد مستكبرون في الأرض‏,‏ ويشكلون الحضارة السائدة فيها‏,‏ وذلك قبل ان يهلكهم الله‏(‏ تعالي‏)‏ مباشرة‏,‏ وكان احد هؤلاء هو بليني الكبير من علماء الحضارة الرومانية‏(‏ والذي عاش في الفترة من‏23‏ م الي‏79‏ م‏),‏ والآخر كان هو الفلكي والجغرافي بطليموس الاسكندري الذي كان أمينا لمكتبة الاسكندرية‏.‏وعاش في الفترة من‏100‏ م الي‏170‏ م تقريبا‏),‏ وقام برسم خريطة للمنطقة بأنهارها المتدفقة‏,‏ وطرقاتها المتشعبة والتي تلتقي حول منطقة واسعة سماها باسم‏‏ سوق عمان

ووصف بليني الكبير حضارة عاد الأولي بأنها لم يكن يدانيها في زمانها حضارة أخري علي وجه الأرض‏,‏ وذلك في ثرائها‏,‏ ووفرة خيراتها‏,‏ وقوتها‏,‏ حيث كانت علي مفترق طرق التجارة بين كل من الصين والهند من جهة وبلاد الشام وأوروبا من جهة أخري‏,‏ والتي كانت تصدر اليها البخور والعطور والأخشاب‏,‏ والفواكه المجففة‏,‏ والذهب‏,‏ والحرير وغيرها‏.‏ وقد علق بعض المأرخين علي كتابات كل من بليني الكبير وبطليموس الاسكندري بأنها ضرب من الخرافات والأساطير‏,‏ كما يتشكك فيها بعض مدعي العلم في زماننا ممن لم يستطيعوا تصور الربع الخالي‏,‏ وهو من أكثر أجزاء الأرض قحولة وجفافا اليوم‏,‏ مليئا في يوم من الأيام بالأنهار والبحيرات والعمران‏,‏ ولكن صور المكوك الفضائي جاءت مطابقة لخريطة بطليموس الاسكندري‏,‏ ومؤكدة ماقد كتبه من قبل كل منه ومن بليني الكبير كما جاء في تقرير معهد الدفع النفاث‏.‏ في يوليو سنة‏1990‏ م تشكل فريق من البحاث في وكالة الفضاء الأمريكية‏ NASA)‏ برئاسة‏ (CharlesElachi)‏ ومن معهد الدفع النفاث‏ (J.P.L)‏ برئاسة‏ (RonaldBlom)‏ للبحث عن‏(‏ إرم ذات العماد‏)‏ تحت رعاية وتشجيع عدد من الأسماء البارزة منها‏: (ArmandHammar, SirRanulphFienne s,GeorgeHedges)‏ ولكن البحث تأجل بسبب حرب الخليج‏.‏ بعد الكشف عن إرم ‏*‏ في يناير سنة‏1991‏ م بدأت عمليات الكشف عن الاثار في المنطقة التي حددتها الصور الفضائية واسمها الحالي الشصر واستمر إلي مطلع سنة‏1998‏ م وأعلن خلال ذلك عن اكتشاف قلعة ثمانية الأضلاع سميكة الجدران بأبراج في زواياها مقامة علي أعمدة ضخمة يصل إرتفاعها إلي‏9‏ أمتار وقطرها إلي‏3‏ أمتار ربما تكون هي التي وصفها القرآن الكريم‏.‏ ‏*‏ في‏1992/2/17 ‏ نشر في مجلة تايم‏ ‏ الأمريكية
مقال بعنوان
‏(Arabia‏ ص‏sLostSandCastleByRi chardOstling)‏
ذكر فيه الكشف عن إرم‏



هذه قصة‏(‏ إرم ذات العماد‏)‏ مدينة قوم عاد‏,‏ التي جاءت الكشوف الأثرية الحديثة بإثبات ماذكر عنها في القرآن الكريم‏.‏ ويبقي ماجاء في القرآن الكريم من ذكر لقوم عاد ولمدينتهم‏(‏ إرم ذات العماد‏),‏ ولما أصابها وأصابهم من دمار بعاصفة رملية غير عادية صورة من صور الإعجاز التاريخي في كتاب الله تشهد له بصفائه الرباني‏,‏ وإشراقاته النورانية‏,‏ وبأنه لا يأتيه الباطل من بين يديه ولا من خلفه‏,‏ فالحمد لله علي نعمة القرآن‏,‏ والحمد لله علي نعمة الإسلام‏,‏ والصلاة والسلام علي رسول الله صلى الله عليه (وآله)وسلم
مقال ديني بمناسبة رمضان
و لعل و عسى البنت اللي مقتنعة إني بهائي - عشان حاططلهم لينك عندي- تغيري رأيها
اللذيذ إني متأكد إنها مش عارفة يعني إيه بهائي
ماعلينا
طبعا الكلام اللبني ده من الميل بالحرف فتغاضوا عن الأخطاء و الهمزات الكتييييييير اللي طارت

30‏/08‏/2007

فاكرينهم
































مش عارف ليه جم على بالي

بجد مكانوش شخصيات كرتونية و أنا بأتناولهم مع الفطار و بأعيش معاهم كل يوم على القناة التانية يمكن كانوا أصدقاء أو إخوات كلهم

حتى الشخصيات الشريرة و الغبية اللي كانت فيهم

قد إيه كان بيعجبني هدوء و رزانة كيرمت

و جمال و أناقة ميس بيجي

و فوضوية أنيمال

و غباء الطباخ السويدي

و قلة حيلة بيكر

و

و

و


لحد فترة قريبة كان عندي معظم الشخصيات دي لعب و كنت محتفظ بيهم مش عارف دلوقتي هم فين


محمود أخويا رغم إنه ماحضرش المابيت شو إلا إنه بيحب جونزو جدا ً و هو لعبته المفضلة و عامله هدوم و سرير و

جايبله عروسة و مظبطه ع الآخر يعني بس مسميه عوكل

تخيلوا بقى من جونز لعوكل

آدي أخرة التمصير و التعليم المجاني

جيل آخر زمن

ملحوظة الأغنية الأخيرة دي أغنيتي المفضلة في المابيت شو كله و تعبت جدا ً لحد ما لقيتها

مستني رأيكم

و مستني أعرف كنتم بتتفرجوا على إيه و إنتم صغيرين

تحديث

فيه بوست جديد في بلوج معانا

الحقوه


20‏/08‏/2007

خدش مؤقت دائم


ها أنت وحدك و القبيلة وحدها

متمتع ٌ بحيادك العفوي ِّجدا ً

( تبكي و تضحك لا حزنا ً و لا فرحا )

الوقت أضغاث البداية لم تفارقه

كأن بداية ً أخرى

تجئ ببابك المطمور بالذكرى

و عمرك صفحة ٌ بيضاء ُ تنتظر الإشارة بالتشكل ِ

ها هنا

لا صوت َ يحمل أي شئ ٍ

لا هوى

لا بغض

لا ذكرى

و لا غد

لا دموع

و لا وداع

و لا فراق

و لا جفاء

الكون مغسول ٌ تماما ً من سخافات المشاعر

تنتشي و تصب وجهك في بكارته الوليدة

تستبيك بساطة الأشياء جدا ً

لا قيود

تسير عريانا ً

و تشرب من مياه البحر دون غضاضة ٍ

و تقول إني متعب ٌ

و تصيح آآآآآآآآآآآآآآآآآآآآآآآآآآآآآآآآآآه ٍ للمدى

لا تكتويك عيونهم

أو يزدري أحد ٌ و يصرخ : لاتقل ْ !!

أرض ٌ برئ ٌ جوها جدا ً

يشاغبها خيالك بالمنى

لا تشتهي شيئا ً و لا تأبى

حيادي ّ المشاعر

كيفما الأشياء حولك دائما ً

تدلي الغصون ثمارها أنـَّى تشاء

و أنت مستلق ٍ تفكر

هل ستقنع بانفرادك ؟

أم تشاغب ضلعك الملتف

تنتظر التي ستجئ من حي ٍّ هنا ؟

و إذا أتت تلك التي ستجئ من حي ٍّ

ترى

هل وقتها ستحس حقا ً بالسعادة ؟

14‏/08‏/2007

معانا ؟

يا هاي
بصوا سواء معانا أو مع الناس التانيين
مستنيكم كلكم في البلوج الجديد
بلوج للتصميمات و الإضافات المختلفة اللي بيحتاجها البلوج
سلام
أشوفكم هنااااااااااااااااااااااااااااك
افعص اللينك

03‏/08‏/2007

التاج علينا حق


هاي جميعا


إزيكم


لقيت حسابي تقل على رأي واحدة صاحبتنا قلت أخلص التاجات اللي عليا كلها في بوست واحد و ربنا يجعلها آخر التاجات


عندي تاجين من وشوشني هنخش عليهم الأول و بعدين نكمل


1


مين أكتر ست أشخاص بتحبهم؟؟


هم كتير بس عشان نرتبط بستة بس


يبقى محمود رجب ده أقدم أصحابي


ماما و دي ماما يعني


أخويا محمود "شوتشا" و ماحدش يقوله كده عشان بيزعل


ههههههههههههههههههههههههه


بنوتة مش هأقول اسمها


محمد كمال حسن و مصطفى الحسيني الاتنين شروة واحدة كده لأني اتعلمت منهم كتير


هل أنت سعيد؟؟


لأ طبعا


لو اجتمعت مع حسني مبارك في مكان واحد هتعمل ايه؟؟


هأضرب أمه

- سوري لذوي المشاعر المرهفة -

بتحب مصر؟؟


امممممممممممممممممممممممممممم


أكيد


بس مش بأحبها الحب بتاع يا أحلى اسم في الوجود و لا ماشربتش من نيلها بأحبها حب عقلاني من نوع


و من هو بادلٌ وطنا ً بأرقى


كمنتحل ٍ أبا ً أعلى نصابا


فما الآباء تختار اختيارا


و ما الأوطان تنتخب انتخابا


مصر الوطن اللي اتولدت فيه و ليا ذكريات فيه فطبيعي إني أحبها خاصة إني مؤمن إننا مش بنحب الشئ أو الشخص لأنه الأفضل لكن بنحبه لأننا بنحبه


انت مسلم؟؟


الحمد لله


ليه؟؟


كنت في الأول مسلم لأننا مسلمين


لحد ما بقيت قادر على التفكير و التساؤل فسألت نفسي أنا مسلم ليه


تهت شوية و بعدين قريت حبتين في الديانات الأخرى - يمكن حتى ثقافتي الإسلامية أقل من ديانات تانية - بس لقيت راحة في الإسلام


رغم إني مقصر جدا ً لأبعد حد


مين اكتر شخصيه مش تقدر تستغني عنها ؟؟


محمد مصطفى


أكتر موقف محرج؟؟


ههههههههههههههههههههههههههه


كنت مع البنت اللي قلت عنها فوق لأول مرة


و هي مش من القاهرة فأنا دبلومة في المترو بقى و خمس سنين دايسك يا محطات


المهم ركبنا المترو رايحين حتة معينة فقالتلي نبص على اليفط و كده


فضحكت جدا طبعا


المهم ركبنا و ماخدتش بالي إننا روحنا الإتجاه الغلط


طبعا ً كان شكلي ربنا ما يوريكم


بس عادي عدت


هههههههههههههه


الأمنيه اللي تتمنى تحقيقها؟؟


أعرف أكتب شعر


وأمرر التاج لميييييييييييييييييييييييين؟؟


في الآخر هأمرر كل التاجات


2
التاج التاني اختبار لإدمان التدوين


و كانت النتيجة كالتالي








Mingle2 -





طلعنا مدمنين و الحمد لله



ماحدش يفتن بقى



الاختبار هنا للي عايزه



كدا بح يا وشوشني



نخش على بريك و ربنا يجعلى كلامنا خفيف على كل الصيادلة

3

اسم مدونتك ؟؟



أحدهم



لماذا اخترته..وماهي نيتك من وراء اختياره؟



أنا كنت كاتب تفسير ده في الأول في الهيدر و بعدين شيلته



أنا مقتنع إننا نتاج دخول أحدهم في حياتنا



أصلا اللي أتى بنا للوجود هو أحدهم



و اللي بيسرق أحلامنا الملونة هو أحدهم



و اللي بيسرقنا إحان أصلا من اللي بنحبهم هو أحدهم



لذا قررت أكون أحدهم



هل فكرت في إغلاق مدونتك؟..والسبب؟



لأ



استحليت الحكاية بصراحة



صورتك في المدونة..رمزيتها؟



غيرتها كذا مرة



يمكن لأني متقلب حبتين أو لأنها المفروض تكون معبرة عن شئ فيا فلذلك بأدور دايما على الأفضل



لكن استقريت على الصورة الموجودة حاليا



واحد مش باينة ملامحه و إن كانت تبين بعض حالته



لماذا دخلت عالم التدوين من الاساس؟



امممممممممممممممممم



الأول كانت صدفة



كنت مدون على ياهو 360 بما إني مهتم بإيميل الياهو و أهي حاجة نتعرف بيها على ناس جديدة



لكن بعد كده حسيت إن التدوين لطيف



عالم مسحور زي بتاع أليس في بلاد العجائب



بتصنعه زي مانت عايز و بتقول فيه اللي إنت عايزه



احلى جمله قيلت لك فى وصف مدونتك؟



إنها أنا



طبعا ً مفيش أحلى من كده



التعليقات بالنسبه لك ..أهميتها؟



في مجملها مهمة جدا



التدوين زي الفن لابد له من جمهور له رأي من المهم جدا ً إنه أعرفه



بتفرق بقى حسب الظروف



يعني لو البوست نص ليا بأبقى مهتم جدا ً أكتر من البوستات العادية برأي الناس



كمان بصراحة كل واحد بيكون فيه ناس بيهتم بإنه يسمع رأيهم و بيكون لرأيهم أهمية عنده أكتر من أي رأي تاني



أحلى بوست كتبته ...ضع اللينك ..ثم أذكر لماذا؟



بوست بعنوان " مش مهم "...أما ليه بقى فكنت بأكتبه و أنا متضايق جدا ً من صديق عزيز عليا و لو كنت قابلته وقتها كنت هأضربه بس البوست ده خلاني هديت شوية رغم إني قليت أدبي حبة و حسيت إني انفعالي حبتين



أفضل مدونة قرأتها؟



غادة الكاميليا



أفضل بوست قرأته؟ وضع لينكه؟



انتظار



و



ولد مواليد واحد وثمانين يقابل بنت مواليد سبعة وثمانين



و



تخيل يا أبي ... كل هذا حدث



و



مووووا وادي بوسة لصاحب الضربة الجوية الأولى..والأخيرة



و



وجه لشخص آخر



ممكن تنقي اللي يناسبك



حد قل ادبه فى التعليق..ايه رد فعلك؟



آه



واحد رخم في بوست و رديت عليه برخامة لقيته بيرخم تاني تجاهلته طلع ابن ناس و احترم نفسه و ماعتبش البلوج تاني



أسوأ مدونة؟



أي مدونة تسوق في قلة الأدب أو ازدراء الأديان و الإساءة ليها



و للأسف بقوا كتير



أسوأ بوست..أسوأ مدون؟



أسوأ بوست كان لبنت بتتكلم عن حقوق المثليين باعتبارها منهم و اتضايقت أكتر لأنها واضح إنها محترمة



أسوأ مدون واحد اسمه مدونته قليل الأدب أصلا ً - طبعا ً مش هأكتبه - و المدونة محتواها مش بعيد عن الاسم بالتأكيد و غاظني جدا ً إنه بيكتب ما يشبه الشعر


ايه اللي هيحصل لإيميلك لما تموت؟



هيبقى يتيم



اديتى الباسوورد لحد قبل كده؟



آه مرة واحدة و مش هتتكرر على ما أظن



بس ده مش لأن الشخص ده أساء



كانت إيه طبيعة علاقتك بيه؟



ههههههههههههههههههههههههههههههههه



آدي بقى رخامة التاجات



هي هي نفس البنت



ارتيحتي



اسمك؟



محمد مصطفى حسين



المشهور بيه وسط اصحابك؟ا



محمد مصطفى



و أحيانا ً مصطفى بس



لكن على النت مادو



عمرك؟



22

و فيها كلام



برجك؟



الجوزاء طبعا



مجال دراستك؟



المحاسبة



شخصيتك نوعها إيه؟



هادئ و عاطفي و يقدس الحياه الزوجية



ههههههههههههههههه



أعتقد أهم حاجات إني عصبي و متقلب و مش صبور و بأوصل بأوصل لأي شئ أنا عايزه بسرعة جدا ً و بأسيبه بسرعة بس قلبي أبيض

و بأروق بسرعة مش معقولة



السفر بالنسبة لك؟



أمنية حياتي



وقت فراغك بتعمل فيه إيه؟



حسب يعني ممكن أكتب أو أقرأ أو أشخبط - أرسم يعني - أو أسمع أغني أو أتفرج على معارض فنية أو أحضر ندوات



كده يعني



الاكلة المفضلة؟



ههههههههههههههه



أي شئ خارج من الفرن



و بأقدر الفراخ البانيه جدا



الصفات اللي أخدتها من بابا؟



حاجات كتير للأسف



أهمها العصبية و السعي المتعب للكمال



الصفات اللي أخدتها من ماما؟



يمكن إنها بتسامح أيا كان الذنب



أكتر ست حاجات بكرهها؟



الظلم



الانتظار



المفاجآت



الضعف


الوحدة


حد تساعده فيضرك


أكتر ست حاجات بحبها؟


السفر


الشعر


سريري و الكمبيوتر بتاعي الشهود على ميلاد أي نص ليا


حد يعمل حاجة عشاني من غير ما طلبها منه


البحر بالذات اسكنرية و القعاد فوق سور القلعة الفرجة على شكل المراكب


الانترنت بالنسبه لك؟


شئ مهم جدا من غيره الكمبيتر بيبقى أتاري فاميلي


أمرره لمين؟


لكل من


بريك و وشوشني التاجات اللي معملوهاش


محمد كمال حسن


مصطفى الحسيني


دعاء فتوح لما تشغل بلوجها


غادة الكاميليا


كرانيش


رانيا منصور


إبراهيم عادل


شيكو


علا الساكت


محمد عبد السميع


نهى جمال