03‏/10‏/2007

انتوا مين ؟؟؟؟


من يوم ما ركبت عداد الدول عندي في البلوج و أنا هاتجنن

كل يوم يقولي جالك عدد كذا من دول كذا و خد عندك بقى حبة من أمريكا و شوية من إيطاليا على القليل من هولندا و أسبانيا و فرنسا و أخيرا بقى فيه موريتانيا و أفغانستان و أذربيجان بخلاف مصر

طبعا ً مبسوووووووووووط جدا ً إن فيه ناس بتابعني و خاصة لو من دول تانية

لكن مندهش جدا ً و مستغرب الناس دي عرفت البلوج منين و ليه بيتابعوه و ليه مش بيسيبوا كومنتات

امممممممممممممممممممم

ممكن نتعرف ؟؟؟

يا ريت كل واحد يدخل البلوج يكتب البيانات دي كنوع من التعارف و اللي يحب يلنـّك معايا إيميلي في البروفايل


الاسم

اسم المدونة و لينكها إن وجد

البلد

الهوايات

عرفت منين البلوج بتاعي

من إمتى

ليه بتتابعه

بتتابعه بمعدل قد إيه

إيه أكتر حاجة بتعجبك فيه

و من يزد فله الأجر و الثواب طبعا

أرجو إن الناس تتفاعل و تسيب إجابات

تحياتي للجميع
تحديث
ده بجد على فكرة

هناك 10 تعليقات:

mohamed kamal hassan يقول...

الاسم
محمد كمال حسن

اسم المدونة و لينكها إن وجد
www.mkhassan.blogspot.com

البلد
مصر

الهوايات
مشاهدة مباريات كرة القدم

عرفت منين البلوج بتاعي
منك

من إمتى
من حوالى أربع شهور

ليه بتتابعه
بلوج أديب
تنوع موضوعاته
عشان أعرف المدون نفسه
عشان أتعلم

بتتابعه بمعدل قد إيه
كل يوم بعدى

إيه أكتر حاجة بتعجبك فيه
تنوع موضوعاته

زى الهوا يقول...

هيه دى تريقة ولا دا بحق وحقيقى ؟؟ , ( وش محول )

ادم المصري يقول...

ههههههههههههههه
والله انا كنت داخل مش مصدق
لكن محمد شجعني بصراحه
وعلي اثر ذلك انا كمان هاكتب



الاسم
ادم المصري


اسم المدونه
في عمق الحياه


البلد
مصر

الهوايات
الشعر والقراية



عرفت البلوج منين
منك


من امتي
من ساعه لقاء المدونين اللي كان في نفس يوم تجمع ورقة وقلم التاني


ليه بتاعبه
لانك شاعر مميز
وبتعجبني دماغك



بمعدل قد ايه
وقت ما اقعد ع النت


اكتر حاجة بتعجبني
دماغك اللي ظاهرة في كلامك

princess dodo يقول...

طويب
بما إنه بجد مش هزار
وكمان عشان فكرة حلوة اوى
عاملة زى التاج كده
بس على صغير

أسمى

دودو

اسم المدونة ولينكها

حقل التيوليب الأحمر

http://red-tulip-field.blogspot.com/

البلد

مصر - القاهرة

الهوايات

الكتابة لحين إشعار آخر

عرفت البلوج بتاعك
من تعليقك عن حد
بس مش فاكرة مين

من حوالى اسبوعين
بتابعه عشان لذيذ

بدخل كل ما افتح نت
يعنى كل يومين تلاته كده

كله كويس
مفيش حاجة محددة

***

سلام يا جميل

البنت الشلبية يقول...

فكرة حلوة وجديدة

الاسم
: البنت الشلبية(نهى) اى واحد فيهم
اسم المدونة


:البنت الشلبية وانت عارف اللينك ولا ايه؟!!


البلد
مصر


الهوايات
اكيد بحب اسمع الموسيقى الكلاسيك بكل انواعها ..والقراية


عرفت منين البلوج بتاعي
منك من خلال ردودك فى البلوج بتاعتى



من إمتى
من فترة طويلة


ليه بتتابعه
عشان غير تقليدى فى بعض الموضوعات فى اختصارها واحتوائها على كم كبير من المشاعر والاحاسيس زى بتاع الطواويس مثلا..كمان انا بتابع اى مدون بيتابع مدونتى




بتتابعه بمعدل قد إيه
يعنى تقريبا كل ما بفتح البلوج بتاعتى


إيه أكتر حاجة بتعجبك فيه
اسلوبك الساخر احيانا والغامض احيان اخرى

سلام

مادو يقول...

ميرسي للجميع
سعيد بوجودكم جدا

ســـــــــمــــــــســــمـــايــــة يقول...

من ارض الاحزان اتيت لك ممتطية فرسي الاسود....كي ارد علي تساؤلا حيرك وسؤالا مزق الذهول داخلك الي ان اصبح موضوعا في مدونتك "أحدهم"
الاسم
ياسمين عبد الحميد(سمسمايه-ياسو-نوجا)
اسم المدونة و لينكها إن وجد
أرض الاحزان (تم تحديثها من قريب)
www.ardela7zan.blogspot.com
و NoGa Is HeRe
www.nogaishere.blogspot.com
تحت الانشاء ان شاء المولي بعد الامتحانات
البلد:
مـــــــــصــــر
حب عمري و بلدي اللي بفتخر اني واحده من اللي عايشين علي ارضها

الهوايات
كتيييييييييييير اوي
كل كام يوم اكتشف هوايه جديده
عموما علي سبيل المثال و ليس الحصر
الموسيقي سواء سماعها او عزفها
قراءة القران
الكتابه بجميع انواعها
مذكرات مدونات شعر قصه
شاعره مبتدئه
اهوي الرسم
الكومبيوتر كمبرمج و ليس كمستخدم(بحكم مجالي طبعافي FCIS
الباليه لاني كنت باليرينه زمان و بطلت
القراءه من احلي نسمات الهواء الذي استنشقه كل يوم رغم ابتعادي عنها مده طويله جدا

عرفت منين البلوج بتاعي
لاني اختار الصور بعنايه فائقه في مدونتي كي تتلاءم مع موضوعي فقمت بالبحث عنها و كانت مدونتك من احد نتائج البحث فابهرتني و ان دخلت ارضي سوف تري عدادا كمثل الذي في "أحدهم"
و مشغل موسيقي مثله

من إمتى
منذثلاثة ايام

ليه بتتابعه
لانني رأيته و كانه سفاره لارض الاحزان
فيه من ارضي الكثير و كانك كنت من زارعي قرنفلاتي

بتتابعه بمعدل قد إيه
لم اتابعه الا مرتين

إيه أكتر حاجة بتعجبك فيه
الحزن الغامض و لانني لاول مره اري احدا فيه شيئا من افكاري

و الان سوف ازد:
اولا : انا لم اكتب تلك التفاصيل في ملفي الشخصي .....هههههههه
اليس غريبا ان اكتب تعليقا اشمل من ملفي الشخصي؟؟؟!!!!!!
عموما تشرفت بالتعرف عليك من خلال مدونتك التي اصبو الي ان تصبح ارضي ارض الاحزان من شبيهاتها

انهيت بعثتي التي اتيت من اجلها و اجبت احدهم عن سؤاله و زدت في الاجابه لعلي اقاسمه الثواب الذي كان يرنو اليه حينما حاول اراحة نفسه من الذهول الذي كان يعيشه.......الان ارحل تاركة قصاصاتي قد تذكرك بلقائي يوما ما في تعليقي هذا و امتطي جوادي الحسام كي ارحل قبل ان تشرق الشمس فأرض الاحزان لا تشرق عليها الشمس
و اتمني ان نلتقي يوما في قصيده
ياسمين

متغيرة شوية يقول...

يا معلم مادو انت

أنا داخلة اعمل بأصلي وأشقر على المدونة وانت في غياهب الصحراء بتخدم وطشنك :)
قوم ايه ، الاقيك سايها كده بقالك كتير قوي ، طب عبرها يا معلم ببوست كل ما تنزل اجازة ، ولا ايه؟

Sara يقول...
أزال المؤلف هذا التعليق.
Sara يقول...

الاسم
سارة المصري

اسم المدونة و لينكها إن وجد
http://sara-out-of-the-blue.blogspot.com/

البلد
مصر

الهوايات
الانترنت و المشاركة في الانشطة الطلابية بكليتي(حاسبات ومعلومات)

عرفت منين البلوج بتاعي
كنت بعمل سيرش في الجوجل على مدونة ولقيتها ودخلتها

من إمتى
أول مرة اعتبها والله :)

ليه بتتابعه
ان شاء الله هاتابعه

بتتابعه بمعدل قد إيه
قول ان شاء الله

إيه أكتر حاجة بتعجبك فيه
لسه بقلب فيه :)