17‏/10‏/2007

أنا كسبت يا بشر



آه و الله تخيلوا
المهم إني كنت متأكد إني مش هأكسب

أنا أصلا مش بتاع مسابقات من أول ما قلت يا مسابقات و مش بأكسب حتى لو كنت إييييييييييييييه

و في أفضل الظروف بأكسب بس مش بأكون الأول يُقال إنه عمل سفلي

المهم المعجزة حصلت يظهر

فنقلا ًعن مدونة محمد كمال و بالتأكد الشخصي منه وصلني ما يلي

تتشرف ورقة وقلم -تجمع أدبى غير هادف للربح - بأن تعلن نتيجة سلسلة ورقة وقلم و أسماء الكُتاب الذين تم اختيارهم لنشر أعمالهم الإبداعية بالدفعة الأولى من السلسلة، وهم
أولاً: فى مجال القصة القصيرة
القاص/ ولــيــد خــطــاب
عن مجموعته مكتوب على الحافة
القاصة/ دعــاء عــبــده
عن مجموعتها أشجار أفزعها البرق
ثانيًا: فى مجال شعر العامية
الشاعر/ مــحــمــد ســالــم
عن ديوانه هنجرانى
ثالثًا: فى مجال شعر الفصحى
الشاعر/ مــحــمــد مــصــطــفــى ده أنا طبعا
عن ديوانه يشبهنى تمام الشبه
رابعًا: فى مجال الرواية
حُجبت
خامسًا: فى مجال النقد الأدبى
لم يتقدم أحد
سادسًا: فى مجال الكتابة المسرحية
لم يتقدم أحد
كما حُجب العمل الثانى فى كلاً من شعر العامية وشعر الفصحى

_______________________


ورقة وقلم تتقدم بخالص التهنئة إلى السادة الكُتاب الذين تم اختيار أعمالهم المميزة للنشر بسلسلة ورقة وقلم وبخالص تمنياتنا لهم بمستقبل وافر المجهود والنجاح، علمًا بأن أعمالهم سوف تبدأ طباعتها خلال أيام

ده بالنص من مدونة محمد كمال

بجد مش مبسوط إني هأشوف شغلي مطبوع قد مانا مبسوط إنه هيكون جنب شغل الناس دي و قد مانا مبسوط إني هأشوف شئ عاصرته و كنت أتمنى إني أشوف نجاحه
مبروك لكل من
وليد خطاب
دعاء عبده
محمد سالم
مبروك لمحمد كمال و مصطفى الحسيني
و مبروك ليا يعني أنا اللي ماليش نفس

هناك 29 تعليقًا:

عنتر بن غلبان يقول...

الف مبروك يا شاعر
اخبار حلوة بعد العيد على طول كده؟
اللهم اجعله خير

فاكر لما كلمتني عن المشروع ده وقلتلي انك مشرف بس؟


شفت النصيب ؟


الف مبروك يا شاعر كمان مرة



بوركت

محمد قرنه يقول...

مبرووك يا عم محمد يا جميل

بجد فرحتلكم كلكم أوي
إنت ودعاء وسالم وخطاب

بالتوفيق بإذن الله

في كمية ناس أعرفهم بيطبعوا وطبعوا السنادي مهولة

إلى الأمام يا رجال

مادو يقول...

الله يبارك فيك يا محمد
آه طبعا نصيب
الحمد لله

مادو يقول...

محمد قرنة
يعني انت مش بتظهر غير ع الطبع
يعني أطبع كل يوم ديوان عشان أشوفك ؟؟؟
إزيك يا رفيق
الله يبارك فيك

moony يقول...

الف مبروووووووووك.. يارب دايما تحصل على جوايز .. يارب دايما تكسب ان شاء اللهفموهبتك تستحق ..بس ياترى ممكن نحصل على النسخ منين ؟ بتتوزع فين يعنى؟؟ على فكرة هو ديوانك ده جديد؟؟ ليه منزلتوش على المدونة؟
كل التمنيات بالتوفيق والسعادة ان شاء الله ومبروك للباقين كمان

محمود عزت يقول...

ألف مبروك يا محمد باشا !!
بإذن الله الديوان يعمل أحلى شغل
فرحت لك بجد
ألف مبروك يا ريس :))

عين ضيقة يقول...

مبروك ياكبيييييييييير

YOTTA يقول...

ألف مبروك يافندم

وربنا يوفقك دايماً
:)

break يقول...

مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك


مليون مبروك بجد

وان شاء الله بالتوفيق :)

Tamer Nabil يقول...

الف الف مبروك يامحمد

ربنا يوفقك ويكرمك

تحياتى

مادو يقول...

موني
الله يبارك فيكي
الديوان فيه نصوص منه نزلت على المدونة و نصوص لأ
أكيد أول ما تتحدد أماكن التوزيع بشكل نهائي هأعلن عنها

مادو يقول...

محمود عزت
ياااااااااااااااااااااااااااااه
يجد جميل إن أول مرور ليك على مدونتي يكون في فرح
يا ربيكون المرور دائم
الله يبارك فيك يا باشا

مادو يقول...

عين ضيقة
الله يبارك فيكي يا أسماء
عقبالك يا قمر

مادو يقول...

يوتا
الله يبارك فيكي يا قمر

مادو يقول...

بريك
إزيييييييييييييييييك
فينك يا بنتي من قرن ما شفتكيش
الله يبارك فيكي
يا رب

مادو يقول...

تامر نبيل
الله يبارك فيك يا تامر

camellia يقول...

ألف مليون وعشرمية مبروووووووووووووووووووووووووووووووووووووووووك

fawest يقول...

طب يعنى
أنت مكسوف تقولى لما تقابلنا فى الساقية
طب أنا صحيح فرحت لك
ميروك
تقدر تحتفل بية فى الجيش
ولا انت جيشك بعيد مش هتقدر تنزلنا

غادة الكاميليا يقول...

ألف مبروك يامحمد وبداية خير ان شاء الله شعرك يستحق النشر وان شاء الله مش آخر ديوان
مبروك يامحمد

nadeen_rev يقول...

اعترف انى انا وشى عليك حلواول مره ادخل عندك تكسب شفت افتكرها بقا والف مبروووووووووووووووووووك علينا احنا الاتنين

مادو يقول...

كاميليا
الله يبارك فيكي
بجد سعيد جدا ً بمرورك بالبوست ده بالذات
عقبالك
و تنزلي مجموعة تكسر الدنيا

مادو يقول...

فاوست
ههههههههههههههههه
لا طبعا يا طه مش قصدي
بس مش بأعرف أعمل كده
هأقولك إيه يعني أطلب منك تباركلي مش لطيفة
و عامة يا سيدي أديك عرفت
الله يبارك فيك و عقبالك

مادو يقول...

غادة
الله يبارك فيكي

مادو يقول...

نادين
هههههههههههههههههه
إيه ده
؟؟؟؟؟؟؟؟؟
تعرفي نادرا ً لما حد بيدهشني في أول تعارف
لكن بجد لطيف جدا ً دخولك
بالتأكيد مبروك عليا
لكن حكاية شكرك دي صعبة حبتين
لأن دخلتي و أنا رايح الجيش
يلا بقى

الديليكون يقول...

باشا
الف مبروك يا ريس والله فرحان ليك جامد
وانت تستاهلها يا ريس عن جد يعني

الف مبروك مرة تانية ليك ولكل الناس اللي كسبت

تحياتي القلبية
محمد

كرانيش يقول...

مبروك يا محمد

الف مبروك

مادو يقول...

الديليكون
باشا
اللهي بارك فيك
و عقبال مجموعتك

مادو يقول...

كرانيش
الله يبارك فيكي

غير معرف يقول...

مبروك جدا

تحياتي

أمير حمدي