30‏/08‏/2007

فاكرينهم
































مش عارف ليه جم على بالي

بجد مكانوش شخصيات كرتونية و أنا بأتناولهم مع الفطار و بأعيش معاهم كل يوم على القناة التانية يمكن كانوا أصدقاء أو إخوات كلهم

حتى الشخصيات الشريرة و الغبية اللي كانت فيهم

قد إيه كان بيعجبني هدوء و رزانة كيرمت

و جمال و أناقة ميس بيجي

و فوضوية أنيمال

و غباء الطباخ السويدي

و قلة حيلة بيكر

و

و

و


لحد فترة قريبة كان عندي معظم الشخصيات دي لعب و كنت محتفظ بيهم مش عارف دلوقتي هم فين


محمود أخويا رغم إنه ماحضرش المابيت شو إلا إنه بيحب جونزو جدا ً و هو لعبته المفضلة و عامله هدوم و سرير و

جايبله عروسة و مظبطه ع الآخر يعني بس مسميه عوكل

تخيلوا بقى من جونز لعوكل

آدي أخرة التمصير و التعليم المجاني

جيل آخر زمن

ملحوظة الأغنية الأخيرة دي أغنيتي المفضلة في المابيت شو كله و تعبت جدا ً لحد ما لقيتها

مستني رأيكم

و مستني أعرف كنتم بتتفرجوا على إيه و إنتم صغيرين

تحديث

فيه بوست جديد في بلوج معانا

الحقوه


هناك 12 تعليقًا:

عنتر بن غلبان يقول...

ياااااااااااااااه
!
!
!
حرام عليك يا راجل
رجعتني عشرة اتناشر سنة

انا كنت مدمن مابيت شو
فاكر بقى اتوبيس المدرسة السحري؟

صباح الطفولة


بوركت

عين ضيقة يقول...

طبعا انت عارف انا بضحك ليه دلوقتى


فين الخمشاشر جنيه اللى عليك؟

~ Bato0ot ~ يقول...

yaaaaaaaaaah bgd ana kont b7bhooooooooom awy lesa kont batklm 3alaihom embare7 ! tesda2!

مادو يقول...

عنتر بيك
أكيييييييييييييييييد
و أستاذنا أيمن
بس أنا كنت من انصار مازنجر و جريندايزر

مادو يقول...

عين ضيقة
و الله كنت هأعمل اللي قلتلك عليه
بس تراجعت
يظهر إني مش مجنون كفاية
يلا ملحوقة
أما عن الخمستاشر جنيه
فعيب عليك الكلام ده يا لمبي

break يقول...

هوا انا غالبا مش واخدة بالى
:(
مش فاكرة حاجة زى كدا خالص
سؤال
هوا الكلام دا كان من كام سنة بالظبط؟

ملكة يقول...

كنت بحب الضفدعة الخضرا(بحب اقول عليها كدة وعمري ماعرفت احفظ الاسم)
وميس بيجي زي ما انت بتقول عليها
أما كنت بتفرج على ايه
فكان فيه كعبول والقطة السودا الشقية اللي معاه
وكان فيه توم وجيري العتيد طبعا
والباقي مش فاكراه بقى

مادو يقول...

بطوووووووط
أصدق

مادو يقول...

بريك
امممممممممم
أول تعارف ليا بيهم كان من حوالي 17 أو 18 سنة
ياااااااااااااااااااه
زمن

مادو يقول...

ملكة
أها كريمت حبيب الجماهير
يااااااااااااااااه
إنتي من جيل كعبول كعبول الكلب الأكول
أنا كنت بحبه برضو

Marvel - واحد زهقان يقول...

طب انت فاكر الاتنين العواجيز اللي كانوا بيعضوا في بلكونة المسرح فوق ومش بيعجبهم حاجة خالص

دول بقى كانوا بيموتوني من الضحك

مادو يقول...

واحد زهقان
أكيد فاكرهم