11‏/03‏/2007

يا رب كتر أفراحنا


عدى مهرجان سوا على خير

عدى بحلوه و بمره

للأسف مفيش وقت عشان آخد نفسي

المفروض إني دلوقتي أكون في بروفة العرض الأدبي ( وشوش ) اللي هنعمله في عيد ميلاد ابدأ

طبعا كلكم معزومين

عيد الميلاد أعتقد و الله أعلم انه هيكون حلو

هو هيكون في بيت السحيمي ( اللي ما يعرفش بيت السحيمي ده بيت أثري في آخر ش أمير الجيوش من ميدان باب الشعرية ) يوم الخميس الساعة 7

اليوم هيتضمن : -

معرض فني ( نحت )

عرض مسرحي لفرقة تفانين

فقرة غنائية للمطرب محمود وحيد ( اللي حضر مهرجان سوا بالتأكيد عرفه )

و أخيرا ً العرض الأدبي بتاعنا
هاستناكوووووووووووووووووووووووووووووووووووووووووووووووووووو

هناك 13 تعليقًا:

واحد من الناس::طارق:: يقول...

ان شاء الله هتلاقينى جنبك

hosnysoliman يقول...

الحبيب محمد مصطفى لا تتصور مدى سعادتى بالتعرف اليك فانت شخصية تحب وما زاد حبى لك هو نشاطك الدائم الذى يصور صورة من صور الاصرار ..دعائى لك بالتوفيق..واملى ان يكون لى الحظ فى حضور هذا اللقاء ..وامل ان نكون اصدقاء ولا تبخل عليا فى ان يكون لنا لقاءات دائمة من خلال هذه المهرجانات الادبية

مادو يقول...

طارق
بجد لا تعليق ربنا يخليك يا رب

مادو يقول...

أستاذ حسني أنا كنت أسمع عن حضرتك بس بجد ماكنتش أتوقع إن فيه حد كده
أنا اللي أتمنى نتقابل تاني إن شاء الله

عبوووووووود يقول...

كان نفسي أحضر لكن بجد مش فاضي
أعمل إيه بقى ثانوية وقرف

مادو يقول...

عبووووووووووود
خسارة بجد خسرت كتيييييير
يلا الجايات أكتر إن شاء الله

وشوشني يقول...

انا طبعا اتأخرت في التعليق بعد اما الموضوع خلص بس اعذرني دايما كده عقبال اما بفتح وبص على كل الناس اللي عندي بس طبعا كان نفسي اوي اني ااجي بس انت تبقى تقولنا من بدري عشان نعملك اعلان في كل مكان زي محمد حامد واكتر كمان

إيمان الميهي يقول...

كل عام و ابدأ طيبة و عقبى لمائة عام
اللي باتمناه لكل حد بيكتب ربنا يجعل كلامه في موازين حسناته .. قد أيه جميل لما يفضل كلام الواحد يتردد بعد عصره بكذا عصر و يغير في الناس و الحياة
معلش الكلام يبدو ملوش صلة اوي بالموضوع بس ده اللي جه على بالي
كل عام و انتوا بخير و من نجاح لنجاح بإذن الله

إيمان الميهي يقول...

اه و نسيت اقول ان شكل الدعوة يجنن

مادو يقول...

لأ عادي يا وشوشني الجايات أكتر
أكيد المرة الجاية هاعلن بدري أكتر

مادو يقول...

و انتي طيبة يا إيمان
الله يخليكي الدعوة جميلة باللي رايحاله

camellia يقول...

كل سنة وانتم طيبين كان نفسي أكون موجودة بس للاسف متاخرة زى عادتي ماعرفتش غير دلوقتي عموما كل سنة وانتم طيبين...صحيح مين اللي عامل تصميم الدعوة ..جامدة جدا(هو الراجل ده شبه اينشتاين ولا انا متهيالي؟)

مادو يقول...

و انتي طيبة يا قمر
أنا اللي عامل الدعوة يعني بنحاول يا فندم
هههههههههههههه
فرانكشتين
هههههههههههههه
ركزي في الصورة شوية و انتي هتعرفي