بعد اتفاق سيذكره التاريخ تم الاتفاق بين ورقة و قلم و أتيليه القاهرة على إقامة ندوة أدبية كل أربعاء
أنا متفائل جدا ً بالتعاون ده بجد مش عشان أنا من ورقة و قلم لكن لأني أولا ً شاعر أو مهتم بالوسط و عارف يعني إيه أتيليه القاهرة و ثانيا ً لأني عارف نظام الندوات و إيه اللي هيتعمل
الفكرة هي تأكيد و تدعيم لهدف مهم جدا ً عندنا و بنحاول ندشن ليه دايما ً ألا و هو دعم التواصل بين أطراف ثقافة الأدبية
أنا متفائل جدا ً بالتعاون ده بجد مش عشان أنا من ورقة و قلم لكن لأني أولا ً شاعر أو مهتم بالوسط و عارف يعني إيه أتيليه القاهرة و ثانيا ً لأني عارف نظام الندوات و إيه اللي هيتعمل
الفكرة هي تأكيد و تدعيم لهدف مهم جدا ً عندنا و بنحاول ندشن ليه دايما ً ألا و هو دعم التواصل بين أطراف ثقافة الأدبية
أنا كالعادة بأكتب من غير ترتيب مسبق للكلام اعذروني لو سقطت حاجة
المهم
أنا أتوقع تحول الموضوع لشئ متعارف عليه زي مانا كاتب في عنوان البوست إنت عارف إن يوم الأربع دايما ً فيه حاجة في الأتيليه
مش كده و بس
إنت هتبقى عارف الأسبوع الأول مثلا ديما هيكون فيه ندوة اسمها ( دويتو ) دي عرض لاتنين مرة يبقوا شاعرين مرة شاعر و قاص مرة مسرحي و روائي و هكذا
أنا عايز أرغي كتييييييييييييييييييييييييييير جدا ً لأني بجد مشبع بالفكرة و عندي طاقة مهولة للكلام لكن مضطر أكبتها حضرتك لما هتيجي هتعرف كل حاجة
و لا أقولك و ده عشان إنت حبيبي بس هأقولك
هيكون نظام الندوات كالتالي
الأسبوع الأول من كل شهر ندوة بعنوان "دويتو" لعرض أديبين و الثاني بعنوان "تجربة" لعرض تجربة أدبية و الثالث "قراءة و كتابة" لمناقشة عمل أدبي تحت الطبع و الرابع "مد وجذر" لمناقشة قضية أدبية كل أسبوع
بقيت التفاصيل بقى هتعرفها لما تيجي
يوم الأربع الجاي 2 مايو الساعه 7 في أتيليه القاهرة شرفنا في أول ندوة
الندوة زي ما قلت اسمها (دويتو
و دي زي ما قلت برضو هتكون ندوة الأربعاء الأول من كل أسبوع
ندوة الأربع الجاي هتكون للأديبين
منتظركم كلــــــــــــــــــــــــــــــــــــكم
يلا
أشوفكم هناك
هناك 21 تعليقًا:
انا بكره الامتحانات بقى
بلغ سلامي لكل الناس هناك يا محمد
حقيقي كنت أتمنى اعر ابقى موجودة يوم الاربع..بس هانت.. شهر وهبقى هناك.
سعيد بالتواجد و التعاون الذى يتم مع الاتيليه
بإذن الله سوف أحرص على الحضور
و مبروك على المشروع الجميل
إزيك يا سلمى
منتظرينك أكيد
سراج باشا إزيك
الله يبارك فيك
محمد ، أنا مش عارف أقول لك إيه ، بس وااااضح إن عقلي بقى مش مجمع !! ، لأني بنسى بسررررعة ، يعني كان نفسي آآآجي ، وعلى الله تتأخروا شوية ، لأن للأسف في نفس الموعد ، ولأربعين متتاليين أنا هبقى ف ميريت ، الأربع الجاي هيناقشوا رواية الفخراني ( فاصل .. للدهشـة) ، وأنا عاوز أحضرها مخصوووص ، والمشكلة طبعًا الأربع اللي بعده هتبقى رواية نهى ، واللي المفروض الناس كلللها تكون معاها فيها !!!!!!!
مش عارف أقول لك إيه ، بس يا حبذا لو فكرتوا ف يوم تاني غير الأربع ، لأن فكرة إن يكون فيه حاجتين ف وقت واحد ، و ف مكانين قريبين من بعض أصلاً دي مشكلة !!
تحياااااااااتي ، وسلملي على العزب كثييييييير ، وعلى فكـرة أنا كنت عاوزة يكون موجود ف مناقشة رواية الفخراني !!!
انشاء الله ربنا يسهل ونكون سوا
تحياتي
ان شاء الله تبقى حاجة جميلة يا محمد
وبالمناسبة الاغنية تحفة جدا
والنيو لوك بتاع المدونة هايل
والنبى شيل الورد فريفكيشن ده لحسن خنييييييييييييييييييق
سلام
يارتنى كنت عايشة فى القاهرة عشا اعرف اجى
او معنديش اب زى بابا ده
الدنيا دى ولله حظوظ
كما قلت تماما هو اتفاق سيذكره التاريخ
مبروك وتمنياتي بنجاح الطلعه الاولى
ألف مبروك يا محمد على التعاون ده ويا رب يبقى مثمر إن شاء الله ..
عايزين نسمع قريب عن إنجازات للتعاون ده إن شاء الله ربنا معاكم ويوفقكم
مبروك
شوف لو لي حظ يبقى هحاول اجى ولو مجتش يبقى اكيد حظى وحش بس يارب اعرف هبقى سعيدة جدا وبالتوفيق ان شاء الله
ابراهيم
ازيك الاول
يا باشا ما هو احنا كلنا رايحين مناقشة الفخراني
يا ريت تيجي و نروح سوا بعد الندوة خاصة انه هيكون بعد ندوتنا
آدم المصري
منتظرينك يا صديقي
إزيك يا لوليتا
ميرسي يا قمر
و جميل انها عجبتك
أشوفك هناك
الوردة السودا
يظهر إن حظنا وحش
يلا خيرها في غيرها
نهى محمود
دعواتك
الله يبارك فيكي يا ياسمين
يا رب يكون حظنا حلو و تيجي
تحياتي يا غادة
أخف دم
الله يخليك يا أشرف
ميرسي لروحك الجملية دي
و إن شاء الله تسمع أخبار حلوة قريب
طيب الاربع الجاى هيكون اه
ولا عيد وبس
إرسال تعليق