حاجات ممكن تكون مفرحة

1

يسعد ورقة وقلم أن تعلن عن فتح باب التقدم لسلسلة ورقة وقلم ، والتي تخص المخطوطات المعدة للإصدار الأول للكاتب، ولم يسبق نشرها في كتاب، وذلك في المجالات الآتية: الرواية – شعر الفصحى – شعر العامية – النقد – الكتابة المسرحية – القصة القصيرة
شروط التقدم للسلسلة :1. أن يكون المخطوط المقدم للسلسلة معداً للنشر لأول مرة ولم يسبق أن طبع في كتاب ، وألا يكون قد سبق للمتقدم نشر أى كتاب.2. ترسل ثلاث نسخ أصلية مع أسطوانة الكومبيوتر المنسوخ عليها العمل.3. ترسل سيرة ذاتية أدبية ، وإقرار بعدم وجود إصدار آخر في نفس المجال المتقدم إليه أو وجود أى إصدارات سابقة .4. أن يرفق المتقدم صورة من بطاقته الشخصية أو جواز سفره أو شهادة ميلاده أو أي وثيقة رسمية تفيد ببياناته الشخصية .5. يراعى عدم كتابة اسم المتقدم أو الإشارة إليه على العمل المطبوع .6. الاشتراك بالنصوص في فرع واحد من فروع المسابقة ، ويكتب على الظرف الخارجى الفرع المتقدم إليه للنشر7. لا تلتزم ورقة وقلم بإعادة النصوص .8. تعلن أسماء الأدباء الذين قبلت أعمالهم للنشر فى سلسلة ورقة وقلم ( الدفعة الأولى ) في شهر أغسطس 2007 ، وتتكون هذه الدفعة من 12 كاتبًا بواقع أديبين فى كل مجال من مجالات السلسلة.9. تلتزم ورقة وقلم بطباعة الأعمال على نفقتها، وتحتفظ لنفسها بحقوق الطبعة الأولى من هذه الأعمال ، على أن يبدأ النشر فى سبتمبر 2007 .وتتكون اللجنة الاستشارية لسلسلة ورقة وقلم من السادة :بهاء طاهر - جمال الغيطانى - حسن طلب - سامى سليمان – سيد حجاب - صلاح فضل ( المشرف العام على السلسلة )تغلق أبواب المشاركة للنشر للدفعة الأولى فى 31 يوليو 2007ورقة وقلم تتمنى التوفيق للجميعللتواصل

: wrkawklm@yahoo.com – هاتف: 0109856036

2

يوم 5/7 تفضوا نفسكم من الصبح بدري و تستعدوا كده و تنزلوا منتعشين - يستحسن تاخدوا دش عشان تيجوا فريش فريش يعني - و تروحوا بيت السحيمي حيث ندوتي أنا و أحمد عبد الجواد ( شاعر عامية جامد جدا للي مايعرفهوش ) الساعة 7 بالكمال و التمام

اللي ما يعرفش بيت السحيمي ينزل ميدان باب الشعرية و يسأل على شارع أمير الجيوش ( مشهور جدا ) و هيلاقي البيت في آخر الشارع

مستنيكم كلكم

3

كنت من فترة بأفكر في مصير ديواني المأسوف على شبابه الذي لن أنشره و إن كان فلن يكون ديواني الأول على الأقل ,تقدروا تقولوا إنها أزمة تغيير التوجه تغير الفكر حاجة كده أو بمعنى أصح أزمة انتهاء الديوان التاني قبل نشر الديوان الأول

المهم الديوان ده كان فعلا محسسني إني ظالم و كنت بأفتكر قد إيه سهرت بأكتب في قصايده و أهندمهم كإني بألبس أطفال صغيرين رايحين

المدرسة لأول مرة أنا أبوهم اللي شهد ولادتهم و سهر جنبهم و رباهم و كبرهم لحد ما بقوا نصوص إزاي أستغنى عنهم كده لا لشئ غير إني لقيتني ممكن أكون أحسن ممكن يكون ليا أولاد أجمل قد إيه حسيتني ظالم ليهم

فلذلك قررت إني أنشرهم ع الأقل من باب تجربة ردود الفعل و كإنه الديوان الزيرو زي ما المجلات بتعمل أعداد زيرو بيجربوا فيها الأول يمكن أقدر بكده أوفي النصوص دي حقها عليا

للجميع

انتظروني يوم 1/7 إن شاء الله بوست فيه الديوان

" ليلى و أخواتها"

انتهى البيان

آه صحيح كان من ضمن البوستات اللي عايز أعملها بوست أتكلم فيه عن "ابدأ " أحد المواليد اللي شهدتها برضو و هي بتكبر و بتقول بابا و ماما

ابدأ دي جماعتي الحبيبة جماعة أدبية هتكون في تصوري جماعة مهمة جدا جدا خلال فترة قصيرة لو ربنا شاء

كنت مكسل بصراحة و مش عارف هأكتب عن ايه و ازاي و كده

بس لأن ابراهيم سبق و عمل نفس الفكرة تقريبا عن المغامير فليكن دلوقتي وقت الكلام

بصوا أنا مش هأرغي أكتر من كده

اللي عايز يتعرف على ابدأ يشرفنا في جتماعنا الأدبي

كل يوم اتنين في أتيليه القاهرة الساعة 6

يلا كفاية كده سلام