03‏/08‏/2007

التاج علينا حق


هاي جميعا


إزيكم


لقيت حسابي تقل على رأي واحدة صاحبتنا قلت أخلص التاجات اللي عليا كلها في بوست واحد و ربنا يجعلها آخر التاجات


عندي تاجين من وشوشني هنخش عليهم الأول و بعدين نكمل


1


مين أكتر ست أشخاص بتحبهم؟؟


هم كتير بس عشان نرتبط بستة بس


يبقى محمود رجب ده أقدم أصحابي


ماما و دي ماما يعني


أخويا محمود "شوتشا" و ماحدش يقوله كده عشان بيزعل


ههههههههههههههههههههههههه


بنوتة مش هأقول اسمها


محمد كمال حسن و مصطفى الحسيني الاتنين شروة واحدة كده لأني اتعلمت منهم كتير


هل أنت سعيد؟؟


لأ طبعا


لو اجتمعت مع حسني مبارك في مكان واحد هتعمل ايه؟؟


هأضرب أمه

- سوري لذوي المشاعر المرهفة -

بتحب مصر؟؟


امممممممممممممممممممممممممممم


أكيد


بس مش بأحبها الحب بتاع يا أحلى اسم في الوجود و لا ماشربتش من نيلها بأحبها حب عقلاني من نوع


و من هو بادلٌ وطنا ً بأرقى


كمنتحل ٍ أبا ً أعلى نصابا


فما الآباء تختار اختيارا


و ما الأوطان تنتخب انتخابا


مصر الوطن اللي اتولدت فيه و ليا ذكريات فيه فطبيعي إني أحبها خاصة إني مؤمن إننا مش بنحب الشئ أو الشخص لأنه الأفضل لكن بنحبه لأننا بنحبه


انت مسلم؟؟


الحمد لله


ليه؟؟


كنت في الأول مسلم لأننا مسلمين


لحد ما بقيت قادر على التفكير و التساؤل فسألت نفسي أنا مسلم ليه


تهت شوية و بعدين قريت حبتين في الديانات الأخرى - يمكن حتى ثقافتي الإسلامية أقل من ديانات تانية - بس لقيت راحة في الإسلام


رغم إني مقصر جدا ً لأبعد حد


مين اكتر شخصيه مش تقدر تستغني عنها ؟؟


محمد مصطفى


أكتر موقف محرج؟؟


ههههههههههههههههههههههههههه


كنت مع البنت اللي قلت عنها فوق لأول مرة


و هي مش من القاهرة فأنا دبلومة في المترو بقى و خمس سنين دايسك يا محطات


المهم ركبنا المترو رايحين حتة معينة فقالتلي نبص على اليفط و كده


فضحكت جدا طبعا


المهم ركبنا و ماخدتش بالي إننا روحنا الإتجاه الغلط


طبعا ً كان شكلي ربنا ما يوريكم


بس عادي عدت


هههههههههههههه


الأمنيه اللي تتمنى تحقيقها؟؟


أعرف أكتب شعر


وأمرر التاج لميييييييييييييييييييييييين؟؟


في الآخر هأمرر كل التاجات


2
التاج التاني اختبار لإدمان التدوين


و كانت النتيجة كالتالي








Mingle2 -





طلعنا مدمنين و الحمد لله



ماحدش يفتن بقى



الاختبار هنا للي عايزه



كدا بح يا وشوشني



نخش على بريك و ربنا يجعلى كلامنا خفيف على كل الصيادلة

3

اسم مدونتك ؟؟



أحدهم



لماذا اخترته..وماهي نيتك من وراء اختياره؟



أنا كنت كاتب تفسير ده في الأول في الهيدر و بعدين شيلته



أنا مقتنع إننا نتاج دخول أحدهم في حياتنا



أصلا اللي أتى بنا للوجود هو أحدهم



و اللي بيسرق أحلامنا الملونة هو أحدهم



و اللي بيسرقنا إحان أصلا من اللي بنحبهم هو أحدهم



لذا قررت أكون أحدهم



هل فكرت في إغلاق مدونتك؟..والسبب؟



لأ



استحليت الحكاية بصراحة



صورتك في المدونة..رمزيتها؟



غيرتها كذا مرة



يمكن لأني متقلب حبتين أو لأنها المفروض تكون معبرة عن شئ فيا فلذلك بأدور دايما على الأفضل



لكن استقريت على الصورة الموجودة حاليا



واحد مش باينة ملامحه و إن كانت تبين بعض حالته



لماذا دخلت عالم التدوين من الاساس؟



امممممممممممممممممم



الأول كانت صدفة



كنت مدون على ياهو 360 بما إني مهتم بإيميل الياهو و أهي حاجة نتعرف بيها على ناس جديدة



لكن بعد كده حسيت إن التدوين لطيف



عالم مسحور زي بتاع أليس في بلاد العجائب



بتصنعه زي مانت عايز و بتقول فيه اللي إنت عايزه



احلى جمله قيلت لك فى وصف مدونتك؟



إنها أنا



طبعا ً مفيش أحلى من كده



التعليقات بالنسبه لك ..أهميتها؟



في مجملها مهمة جدا



التدوين زي الفن لابد له من جمهور له رأي من المهم جدا ً إنه أعرفه



بتفرق بقى حسب الظروف



يعني لو البوست نص ليا بأبقى مهتم جدا ً أكتر من البوستات العادية برأي الناس



كمان بصراحة كل واحد بيكون فيه ناس بيهتم بإنه يسمع رأيهم و بيكون لرأيهم أهمية عنده أكتر من أي رأي تاني



أحلى بوست كتبته ...ضع اللينك ..ثم أذكر لماذا؟



بوست بعنوان " مش مهم "...أما ليه بقى فكنت بأكتبه و أنا متضايق جدا ً من صديق عزيز عليا و لو كنت قابلته وقتها كنت هأضربه بس البوست ده خلاني هديت شوية رغم إني قليت أدبي حبة و حسيت إني انفعالي حبتين



أفضل مدونة قرأتها؟



غادة الكاميليا



أفضل بوست قرأته؟ وضع لينكه؟



انتظار



و



ولد مواليد واحد وثمانين يقابل بنت مواليد سبعة وثمانين



و



تخيل يا أبي ... كل هذا حدث



و



مووووا وادي بوسة لصاحب الضربة الجوية الأولى..والأخيرة



و



وجه لشخص آخر



ممكن تنقي اللي يناسبك



حد قل ادبه فى التعليق..ايه رد فعلك؟



آه



واحد رخم في بوست و رديت عليه برخامة لقيته بيرخم تاني تجاهلته طلع ابن ناس و احترم نفسه و ماعتبش البلوج تاني



أسوأ مدونة؟



أي مدونة تسوق في قلة الأدب أو ازدراء الأديان و الإساءة ليها



و للأسف بقوا كتير



أسوأ بوست..أسوأ مدون؟



أسوأ بوست كان لبنت بتتكلم عن حقوق المثليين باعتبارها منهم و اتضايقت أكتر لأنها واضح إنها محترمة



أسوأ مدون واحد اسمه مدونته قليل الأدب أصلا ً - طبعا ً مش هأكتبه - و المدونة محتواها مش بعيد عن الاسم بالتأكيد و غاظني جدا ً إنه بيكتب ما يشبه الشعر


ايه اللي هيحصل لإيميلك لما تموت؟



هيبقى يتيم



اديتى الباسوورد لحد قبل كده؟



آه مرة واحدة و مش هتتكرر على ما أظن



بس ده مش لأن الشخص ده أساء



كانت إيه طبيعة علاقتك بيه؟



ههههههههههههههههههههههههههههههههه



آدي بقى رخامة التاجات



هي هي نفس البنت



ارتيحتي



اسمك؟



محمد مصطفى حسين



المشهور بيه وسط اصحابك؟ا



محمد مصطفى



و أحيانا ً مصطفى بس



لكن على النت مادو



عمرك؟



22

و فيها كلام



برجك؟



الجوزاء طبعا



مجال دراستك؟



المحاسبة



شخصيتك نوعها إيه؟



هادئ و عاطفي و يقدس الحياه الزوجية



ههههههههههههههههه



أعتقد أهم حاجات إني عصبي و متقلب و مش صبور و بأوصل بأوصل لأي شئ أنا عايزه بسرعة جدا ً و بأسيبه بسرعة بس قلبي أبيض

و بأروق بسرعة مش معقولة



السفر بالنسبة لك؟



أمنية حياتي



وقت فراغك بتعمل فيه إيه؟



حسب يعني ممكن أكتب أو أقرأ أو أشخبط - أرسم يعني - أو أسمع أغني أو أتفرج على معارض فنية أو أحضر ندوات



كده يعني



الاكلة المفضلة؟



ههههههههههههههه



أي شئ خارج من الفرن



و بأقدر الفراخ البانيه جدا



الصفات اللي أخدتها من بابا؟



حاجات كتير للأسف



أهمها العصبية و السعي المتعب للكمال



الصفات اللي أخدتها من ماما؟



يمكن إنها بتسامح أيا كان الذنب



أكتر ست حاجات بكرهها؟



الظلم



الانتظار



المفاجآت



الضعف


الوحدة


حد تساعده فيضرك


أكتر ست حاجات بحبها؟


السفر


الشعر


سريري و الكمبيوتر بتاعي الشهود على ميلاد أي نص ليا


حد يعمل حاجة عشاني من غير ما طلبها منه


البحر بالذات اسكنرية و القعاد فوق سور القلعة الفرجة على شكل المراكب


الانترنت بالنسبه لك؟


شئ مهم جدا من غيره الكمبيتر بيبقى أتاري فاميلي


أمرره لمين؟


لكل من


بريك و وشوشني التاجات اللي معملوهاش


محمد كمال حسن


مصطفى الحسيني


دعاء فتوح لما تشغل بلوجها


غادة الكاميليا


كرانيش


رانيا منصور


إبراهيم عادل


شيكو


علا الساكت


محمد عبد السميع


نهى جمال

هناك 17 تعليقًا:

smraa alnil يقول...

يا قلبك يا محمد

كل دي تاجات
بس عجبتني اوي تقديرك للفراخ البانية دي

اهي هي دي الناس الجدعه

ههههههههههههههه
بس غتاتة بقي
هي البنت دي تقربلك ايه
هه هه هه

قول بقي

يلا تاجات بالشفا يا مدمن

fawest يقول...

ايوة
يا عم مادو
اظن انك الان مرتاح ونفسيتك كدة حاجة حلوة واكثلر انتعاشا
ممكن فى يوم اعمل كدة بس هكون اكثر جرأة
انا حطيت لينك ديوانك عندى

محمد مصطفى يقول...

إزيك يا إنجي
أهه شوفتي بقى بنسد من اللي علينا
الراخ البانية يا بنتي لها تقديرها عن الكل دايما ربنا يخفظها من الأنفلونزا
احم احم
مش هأقولك
ههههههههههههههههههههه

محمد مصطفى يقول...

فاوست باشا
الحمد لله أحسن
ألف شكر على اللينك

break يقول...

كل دا كنت شايله على قلبك يا ابنى

بذكائى كدا ادركت ان البنت دى اختك :)
امال ايه احنا بنفهمها وهيا طايرة

وشكرا على التاجات و مردودالك
الظاهر اننا هنفضل نرد ل بعض كتير

Mohamed Kamal Hassan يقول...

مادو باشا
صباح الفل يا فندم
عُلم ونُفذ ساعة تاريخه
ــــــــــــــ
انا متشكر ليك جدن إنك حطتنى مع الناس اللى بتحبهم
من فضلك ياريس حط الناس اللى انت ممررلهم التاجات متهيبرين عشان اعرفهم بسهولة
الورقة اللى انا حاطط فيها عناوين الناس راحت
وبصراحة مش هتدور عليها

وياريت من أجل أن تعم الفائدة
رد عليا بكيفية عمل اللينك
ولكم جزيل الشكر


(:
(:
شكرًا لأنك فكرنى دايمًا يا ريس

Mohamed Kamal Hassan يقول...

مادو باشا
صباح الفل يا فندم
عُلم ونُفذ ساعة تاريخه
ــــــــــــــ
انا متشكر ليك جدن إنك حطتنى مع الناس اللى بتحبهم
من فضلك ياريس حط الناس اللى انت ممررلهم التاجات متهيبرين عشان اعرفهم بسهولة
الورقة اللى انا حاطط فيها عناوين الناس راحت
وبصراحة مش هتدور عليها

وياريت من أجل أن تعم الفائدة
رد عليا بكيفية عمل اللينك
ولكم جزيل الشكر


(:
(:
شكرًا لأنك فكرنى دايمًا يا ريس

أحمد سلامــة يقول...

كوووووووووول ده تاج
يا صبرك
-------------------
انا ملقيتش لينكات التحميل شغالة
اتصرف بقى وارفعهم تاني

محمد مصطفى يقول...

محمد باشا كمال
يا فندم كما عهدناكم
هيبرتهم يا ريس
أمال عن اللينكات فأنا مش عارف قصدك لكن لو تقصد تحط لينكات الناس عندك ع البلوج فده سهل
Customizeحضرتك تدخل على
هتلاقيها في البلوج من فوق
هتدخلك على البادج الينمتس
Add a Page Elementتختار
هتلاقي خيارات كتير
Link Listتختار
هتحط اسم كل بلوج و ليكنه بقى و هكذا

محمد مصطفى يقول...

أحمد سلامة
هههههههههه
شوفت بقى الصبر
احم احم معاك حق فيه لينك شغال و التاني لأ
عامة يا باشا ظبطناهم

عبسميع يقول...

منك للي كلت دراع جوزها يا محمد
ايه التدبيس ده
بس الحمد لله في تاجين جاوبتهم قبل كده

بس حلوة اجاباتك يابني شغال يعني

ابقي عدي يا باشا

تحياتي
محمد

Unknown يقول...

برضو






















برضك بالكاف مش هرد
شكرا على فرص الترخيم اللى بتوفرهالى

محمد مصطفى يقول...

بريك
ازيك يا قمر
ههههههههههههههههههههههههه
لأ بنت أختي
اخ انتي كده بتعلني
اللعنة

محمد مصطفى يقول...

الديليكون
اي خدعه
اكيد هاعدي

محمد مصطفى يقول...

شيكو
مش هأرد عليكي

غمض عينيك يقول...

باشا...جمبلة اجاباتك ودمها خفيف
انا كمان بحب اي حاجة خارجة من الفرن بس الفراخ بالدرجة الاولى
:)
بس قولي ايه حكاية عمرك 22 وفيها كلام دي
انت بتفاصل ولا بتعمل خصومات؟
:):)

تحياتي ليك ياباشا
محمد سمير

محمد مصطفى يقول...

هههههههههههههههههههههههههه
لألألأ
بس بيتمدد و ينكمش و بتاع
حوار كبير كبير يعني