08‏/09‏/2007

في فضل الحيوان عمن سواه

غريب جدا ً الإنسان ده
علاقته متوترة دايما بالحيوان و بيبصله بتعالي عجيب مالوش أي سبب أو محل من الصحة
الإنسان استعبد أم الحيوان و لسه برضو العلاقة بينهم متوترة
نغص عليه حياته و شتت عائلاته جوا الغابة و بره الغابة و شغله في السيرك و الغيط و جر العربيات الكرو
و لسه العلاقة بينهم متوترة
زاد التقدم البشري و بقى الحيوان مجرد لعبة مسلية ليه و لأولاده
و برضو لسه العلاقة بينهم متوترة
يظهر إن البني آدمين عاملين عقلهم بعقل الحيوانات و حاسين بتفوق الحيوان الكبيييييييييييير عليهم و ده عاملهم عقدة ضخمة
الطريف إن برغم الحروب و المجازر و الكوسة و القرع و القرف اللي مالي الدنيا لما نلاقي الحياه بقت مش عادلة و الكبير - لاسمح الله- بياكل الصغيرو يحلي بالوسط نقول
إييييييييييييييييييه هو إحنا في غابة
و لو حد غلط فيك تقوله
إنت حيوان
بيبعت الإنسان كاميرات عشان تثبت كلامه و تأكده
و يقلق الحيوان و ينتهك خصوصيته
ما يشوفش إن الحيوان ده يمكن يكون مكوع ولا قاعد مع المزة ولا بياخد دش
كل ده عشان يصور خناقة بين حيوانين و يقولك أهه غابة أهه
بصراحة فعلا ده
بيحصل و القوي بينتصر
ساعات يعني
زي كده

و ممكن يكون النصر لصاحب السلاح الأقوى
زي ده


لكن في الغابة فيه متسع و فرصة كبييييييييييييييرة
إنك تنتصر لأنك الأذكى مثلا
زي صاحبنا ده
بجد قرد .......................عفرييييييييييييييييييييييييييت



و الوحوش هناك مهما كانت وحشيتها عندها إحساس


حتى و هي ميتة
و متقطعة ميت حنة


ده ضب على فكرة

على النقيض بقى البني آدم زي صاحبنا ده


الل كان في بقه ده ضب مش سحلية
يلا بالهنا و الشفا
ولا المؤذي ده
اللي بيتشطر على تمساح قد ركبته


أو الدرزي الصغير ده مع إنه لذيذ بجد

بس من موقعي هذا أحب أطمنكم إنه لسه فيه أمل في الأطفال اللي بتحس من صغرها


و اللي مزاجهم عالي كده



إذا تجنبوا المؤذيين


و اهتم بيهم أبوهم و أمهم شوية


أنا مش جاي أحبطكم
بس ماتتفاءلوش قوي
لأن كل ده ممكن ما يأثرش
و بعد نجاح ظاهرة أولاد الشوارع تطلع ظاهرة أولاد الاشتغالة
زي ده


أو الغباء الفطري زي ده
تأكيدا ً للحكمة الخالدة
الصياعة غبا مش هز اكتاف

أنا أشك إن الجمهور غبي للدرجة دي
و بأرجح إنهم اتخنقوا منه فقرروا يخنقوا عليه
مش عارف ليه بيفكرني بإعلان ميلودي الجديد الي الواد فيه بيتحول لبيضة
لكل الأسباب السابقة
أنا بأحيي بصدق الصديق العزيز اللي سألته المذيعة
لو ماكنتش طلعت شاعر كان نفسك تطلع إيه
فجاوب و بكل ثقة
أنثى فرس النهر
- على فكرة ده موقف حقيقي-
أحييه بعد 3 سنين من الموقف ده و أقوله كان عندك حق
يلا خدوا بالكم من نفسكم بقى
سي يو

هناك 16 تعليقًا:

fawest يقول...

ايو يا عم
مبروك على النيو لوك
خليك كدة مع نفسك
بلاش تعبر حد
ااصل خبرتك بتتاقل بدهب

عين ضيقة يقول...

مش عارفة ليه البوست ده مش مريحنى

جوستيـن يقول...

كل دا

Mohamed Kamal Hassan يقول...

يعنى لما تغير
تغير أسود برضه
يا حبيبى ارحمنى
ــــــــــــ
بس بوست جامد والله
تعرف إنى بقالى شهر عايز أرفع فيديو الفهد وابن القردة اللى لسه مولود
شفت عنيين الوحش المفترس لما شاف القرد الرضيع وهو ف نفس الوقت بياكل أمه
ربنا ممكن يكون خلق الحيوانات عشان نتعلم منها

محمد مصطفى يقول...

فاوست
شامم ريحة مش لذيذة
عامة قلت حقيقة أشكرك عليها

محمد مصطفى يقول...

عين ضيقة
ليه بس يا أسماء ده بوست لطيف جدا
و يدعو للرفق بالحيوان

محمد مصطفى يقول...

جوستين
تخيلي!!

محمد مصطفى يقول...

محمد كمال
يا باشا منه و إليه نعود
في الميتم بنلبس اسود و في الفرح العريس و تلت تربع المعازيم بيلبسوا بدل سودا
-----
طبعا ً دي حاجة من حكمة ربنا في خلقه للحيوان
ثم أنا باعتبر إن الحدود بين عالم البشر و عالم الحيوان حدود شفافة جدا ً البشر شبه الحيوانات بشكل ملفت في الملامح/ في الطباع /في طريقة التعامل مع الأشياء
و أنا ضغير شوية كنت بأستشف كل حد أقابله شبه حيوان إيه و أتعامل معاه على الأساس ده
هههههههههههههههههههه
ماكنتش أقصد إهانة و الله
بس كنت فعلا مندهش للشبه العجيب اللي بألاحظه ده
يلا بقى أيام
بصراحة ساعات من وقت للتاني ألاقيني بأعمل كده من غير ماخد بالي

n يقول...

بوست جميل
و الفيديوهات لذيذة
هو الرفق بالحيوان كويس
و الرفق بالانسان برده
حبيت اعلق علي كلامك بخصوص انك كنت بتدور في الناس علي حيواناتهم الشبيهة
بصراحة لسة بعمل الموضوع دا لغاية النهاردة
بس انا بحب اقول هذا الشخص كان في حياة اخري كذا (اسم الحيوان)ه
بس دا طبعا بيني و بين نفسي :)
و مع ملاحظة اني مش مؤمنة بموضوع الحيوات الاخري دي برده

واعتقد و معرفش دا صح و لا لأ بس دا اعتقادي الشخصي يعني اننا كلنا كمخلوقات فينا من صفات الطبيعة اللي اتخلقنا منها و لذلك بنتشابه

مساء الرغي
كل سنة و انت طيب و رمضان كريم

متغيرة شوية يقول...

مالهم الحيوانات
ولود حلال وأحسن ناس كمان ..
تعرف ، احسن فيديو الراجل بتاع من سيربح المليون ، ده طفرة في تاريخ البرنامج يا راجل

بيتنا القديم يقول...

بوست جميل

كل سنة وانت بخير

رمضان كريم

Mohamed Kamal Hassan يقول...

كل سنة وانت طيب

يا شاعر يا طيب

كل سنة وانت طيب

رمضان كريم

محمد مصطفى يقول...

نمنماية
مساء الفل
و رمضان كرييييييييييييييييييييم

محمد مصطفى يقول...

متغيرة شوية
ازيك يا سلمى
هههههههههههههههههه
عبقري طبعا

محمد مصطفى يقول...

سمسم
و انت طيب يا باشا

محمد مصطفى يقول...

محمد بيك كمال
أهلا أهلا أهلا بأعز الحبايب
أهلا
ههههههههههههههه
و انت طيب يا باشا