أنا مش نبي
و لكني بأسعى عشان أكون
يادوب بشر
من يوم ما ع الدنيا وعيت
و أنا مش سعيد
و كان مدرس الانجليزي ف الصعيد
راجل كشر
و كان يقول
يا عيال سعيد يعني "هابي"
فنقول وراه
الكلمة تخرج من حلوقنا على الشفاه
ولا عمرها تدخل قلوب
أنا مش نبي
و لكني بأسعى عشان أكون
عمر نجم
هناك 10 تعليقات:
ليك وحشة والله
كل سنة وانت
جوزاء
:)
انا بدور ع القصيدة دي من سنتين
شكرا جدا جدا جدا
(يا عيال سعيد يعني "هابي"
فنقول وراه
الكلمة تخرج من حلوقنا على الشفاه)
جميلة جدا جدا ..
وكل سنة وأنت طيب :)
"الطريقة الوحيدة لتجنب التعاسة أن لا يكون لديك وقت فراغ تسأل فيه نفسك فيما إذا كنت سعيداً أم لا."
برنارد شو
...
مش عارف ليه افتكرتها
يمكن يكون صح
فمحناش أنبيا
و يارب يسعدك دوما
ازيك يا نهى
منطق يحترم برضو
ميرسي
ده أقل حاجة عندي
هدى
إنتي أوحش
فينك يا بنتي ؟!!
كل سنة و إنتي مسرطنة
ههههههههههههه
كاميليا
يا قمر كنتي تقولي كنت بعتهالك
يلا ما علينا
إنتي ايه اخبارك ؟؟
أتمنى تكوني بخير
immigrant
أها أنا مغرم بالنص ده برضو
و إنتي طيبة يا قمر
نهى جمال
أنا من أنصار أن تميمة الهروب من الشئ هو الاستغراق فيه فإن لم يكن فعدم الخوف منه
تجنب التفكر و التساؤل عن مدى سعادتنا من عدمه خطأ يكفي أننا نضيع وقتا كبيرا ظانين نجاتنا من الحزن ثم نجد أخطاءنا أمامنا بشكل أبشع و حجم أضخم
فنصعق
سعيد بردك كالعادة
إرسال تعليق