03‏/04‏/2008

و من الهزل ما شعر


قرأتها من حوالي 3 أو 4 سنوات تقريبًا في جريدة اضحك للدنيا

و أعجبتني فحفظتها لطرافتها

*****

لو وصفتك يا حبيبي

هأوصفك زي الحمير

كنت حاسس بيا دايما

شلت عني هموم كتير

و لا أقولك إنت قطة

كل لما بأروح في حتة

بألقى خطواتك معايا

بألقى إحساسك ورايا

زي لما تكون حصان

بتعاملني كإني فارس

نجري نتحدى الظروف

إنت تاخد دور خروف

مستعد تكون ضحية

أو يكون عمرك هدية

للي حبك ليل نهار

إنت فار دايما تقرقض شبكة الحزن التقيل

إنت فيل

لو شئ منعني - مهما كان - بتروح تشد

إنت قرد

و كل حاجة أعملها بتقلدها تاني

مش أناني و بيا حاسس

وافي و الناس من وفاءك

درسوك جوه المدارس

ألفولك ميت كتاب

و لا أقولك كلمة و احدة

إنت أوفى من الكلاب

محمد أمين

( حد ماعرفهوش للأسف )

هناك تعليق واحد:

samourai 4 ever يقول...

هههههههههههههههههههه
جامدة اوى
و مبتكرة موت

و دمتــــــــــــــــــــــــم