01‏/03‏/2007

افتعال غير مقصود لللحظة

الدنيا رقصة
و انت لسه متعلم الرقص ف يومين !!

فارقص كما شائت خطاك

ارتجل حركة خطاوي التوهة و اتعلم تعيش

- ضلمة المسرح تشيل خوفك من الجمهور -

فحاول تبدأ الرقص بهدوووووووووووووووووء

اتلف بالأيام

و حرك تلج إيدك نص دايرة

مسرحك لساه كبير

انتفض

عبي الضلام /

زحمة التفاصيل ف عينك /

لخمتك /

تصفيق محبيك اللي جي بدون تأثر من جانبهم /

و ابتسامة من عينيها

ضمن الرقصة ابتهال صوتها بإسمك

ضحك لبس العيد لضحك ايديكوا مع أول سلام

ارتسملها حرف s

و انتقص من خوف ملامحك ...

خطوة فاصلة بين عينيكوا

غافل الجمهور و حاول تبتسم

تبتسم ... تبتسملك

تنده الأيام ف عينها ... ترفضك

- تندهش من رد فعل مجاش ف بالك - ...

ترفضك

فارقص لوحدك

إيه تفيد الدهشة لو وقفت خطاك

نط و ارجع نص خشبة مسرحك

ابتسم

- و برغم كل مشاعر الحزن ف عينيك -

ابتسم

و انهي رقصك من سكات !!!

تمت في 7/11/2006

هناك 4 تعليقات:

غير معرف يقول...

يا محمد يا مصطفى
قريتهالك قبل سابق
عجبتني أكتر من اللازم!

حلوة فعلاً
وعارف تحط كل مفردة في مكانها
من غير ما تكون إقحام

معارفاش اقول كتير دلوقتي

بس بجد رقصة حلوة !

محمد مصطفى يقول...

ازيك يا رانيا
الله يخليكي هي حلوة بوجودك
بصي إنتي عارفاني مش بأعرف أرد على مجاملة
فميرسي ليكي بجد

vision يقول...

اكتر بوست حسيتو فالمدونه كلها وده لأن الفكره كانت فى بالى وانت عملتها بشكل فوق ما كنت اتخيل رسمت لوحه بكلاامك عاليه اوى

محمد مصطفى يقول...

ميرسي يا ميرو